Միջազգային12:44, 28 Փետրվար 2018
Amnesty International։ Թուրքիան Աֆրինում թիրախավորում է քաղաքացիական բնակչությանը
«Amnesty International» միջազգային իրավապաշտպան կազմակերպությունը մեղադրել է Թուրքիային՝ Աֆրինում քաղաքացիական բնակչությանը թիրախավորելու համար։
Կազմակերպության կողմից հրապարակված մամուլի հաղորդագրության համաձայն՝ Թուրքիայի զինված ուժերի և YPG-ի («Ժողովրդական ինքնապաշտպանական ուժեր») կողմից բացված կրակի արդյունքում նաև շարքային քաղաքացիներ են տուժել։
Հայտարարության մեջ մասնավորապես նշվել է, որ Թուրքիան հրետանային կրակոցներ է արձակում ինչպես պատահի՝ առանց հաշվի առնելու թիրախակետում քաղաքացիների հնարավոր առկայությունը։
Իսկ YPG-ն հաուբիցներով ու հրթիռներով թիրախավորում է Աֆրինից 20 կմ հեռավորության վրա գտնվող Ազեզ քաղաքը։ Ականատեսների վկայությամբ՝ այդ հարձակումների հետևանքով տասնյակ քաղաքացիական անձինք են զոհվել։
«Amnesty International»-ը կոչ է արել ԱՄՆ-ին, Ռուսաստանին ու մյուս երկրներին՝ ճնշում գործադրել Թուրքիայի և YPG-ի վրա՝ քաղաքացիական բնակչության դեմ ուղղված հարձակումները դադարեցնելու համար։
«Բնակեցված գյուղերի և քաղաքների անկանոն հրետակոծումը ծայրահեղ մտահոգիչ է։ Միջազգային իրավունքի նորմերի համաձայն՝ հրանոթների և կոնկրետ թիրախի հարվածելու հնարավորություն չունեցող մյուս զենքերի կիրառումը արգելված է։ Բոլոր կողմերը անհապաղ պետք է դադարեցնեն հարձակումները», -ասված է հայտարարության մեջ։
Ավելի վաղ «Kürt Kızılayı» կազմակերպությունը տեղեկացրել էր, որ Աֆրինի գործողությունների հետևանքով մինչ օրս 93 քաղաքացիական անձ է զոհվել, ևս 313-ը վիրավորվել են։ Իսկ քրդական ուժերի կողմից Ազեզի ռմբակոծության հետևանքով 4 մարդ է զոհվել, կան մեծ թվով վիրավորներ։
Այս ենթաբաժնի վերջին նորությունները
Սուդանում մի քանի օր շարունակվող հորդառատ անձրևներից հետո սողանք է տեղի ունեցել, որը խլել է առնվազն 1000 մարդու կյանք։
Այնտեղից օրական միջինում իրականացվել է 1635 թռիչք։
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի փոխնախագահ Ջևդեթ Յըլմազն Ադրբեջանի ներկայացուցչի հետ հանդիպմանը քննարկել է Հարավային Կովկասում օգոստոսի 8-ից հետո ստեղծված իրավիճակը:
Այն ներառում է համագործակցություն աշխատանքի, զբաղվածության, սոցիալական ապահովության և աշխատանքի անվտանգության ոլորտներում։
Ռուս զբոսաշրջիկներին սպառնում է մինչև 1 տարվա ազատազրկում:
Թուրքիայի կողմից 2019-ին ՌԴ-ից գնված, բայց գործնականում այդպես էլ չօգտագործված հակաօդային պաշտպանության համակարգերի շուրջ նոր զարգացումներ կան։
Օրակարգում են եղել Գազայում տիրող իրավիճակն ու մի շարք այլ հարցեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |