Թուրք հաղորդավարը խաղաղ բնակիչներին սպանելու սկանդալային հայտարարություն է արել (տեսանյութ)

Տարածաշրջան09:07, 27 Փետրվար 2018

Թուրք հաղորդավարը խաղաղ բնակիչներին սպանելու սկանդալային հայտարարություն է արել (տեսանյութ)

Թուրքական «Akit TV» հեռուստաալիքի հաղորդավար Ահմեթ Քեսերը, անդրադառնալով Թուրքիայի զինված ուժերի կողմից Սիրիայի Աֆրին քաղաքում խաղաղ բնակչության կոտորածի մասին խոսակցություններին, սկանդալային հայտարարություններով է հանդես եկել:

«Օրը սկսվում է» առավոտյան ծրագրի հաղորդավար Քեսերը հայտարարել է, որ եթե թուրքական բանակը քաղաքացիական անձանց սպանելու լինի, ապա դա պետք է սկսի Ստամբուլի հարուստ թաղամասերից, քանի որ այնտեղ բազմաթիվ դավաճաններ են ապրում: Քեսերը չի մոռացել Թուրքիայի մեջլիսի մասին, որտեղ, ըստ նրա, քիչ դավաճան պատգամավորներ չկան:

«Եթե քաղաքացիականների սպանելու լինենք, ապա պիտի սկսենք Ջիահանգիրից (Ստամբուլի հարուստ թաղամաս-խմբ.)… Նիշանթաշում, Էթիլերում բազմաթիվ դավաճաններ կան… Թուրքիայի ազգային մեծ ժողովում ևս կան…»,- ասել է առավոտյան ծրագրի հաղորդավարը:

Նույն հաղորդավարը ավելի վաղ էլ հայտնվել էր մեկ այլ սկանդալի կիզակետում, երբ, խոսելով Ադանայում ուսանողական հանրակացարանում բռնկված հրդեհի հետևանքով 11 ուսանողի մահվան մասին, ասել էր. «Այդ երեխաներին քո պետությունն է այրել, Նիշանթաշում, Ջիհանգիրում ապրող սպիտակ թուրքերն են այրել»: (Սպիտակ թուրքեր անվանում են հանրապետական շրջանում հարստացած թուրքերին-խմբ.)

Աղբյուր` Sozcu

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։