Թուրքիան պատրաստվում է ինքնակառավարվող տանկեր արտադրել

Տարածաշրջան07:18, 22 Փետրվար 2018

Թուրքիան պատրաստվում է ինքնակառավարվող տանկեր արտադրել

Թուրքիայի Ռեջեփ Թայիփ Էրդողանը հայտարարել է, որ իրոնք պատրաստվում են առաջիկայում արտադրել հեռակառավարվող տանկեր։

Էրդողանը տեղեկացրել է, որ Սիրիայում իրականացվող «Ձիթենու ճյուղ» ռազմական օպերացիայի ընթացքում թուրք զինվորների կողմից օգտագործվող զենքի 65 տոկոսը թուրքական արտադրության է։

«Մենք պետք է ինքներս արտադրենք հեռակառավարվող տանկեր և մենք դա կանենք։ Եթե մենք ինչ-որ մեկից կախում ունենայինք, ապա չէինք կարողանա հասնել այս կետին։ Մենք կարողացանք հաջողության հասնել ինքներս։ Այդ են վկայում մեր հաջողություններն Աֆրինում, որտեղ սպանվել է արդեն 1780 ահաբեկիչ »,-ասել է Էրդողանը։

Էրդողանը նշել է, որ հեռակառավարվող տանկերը կօգնեն նվազեցնել Թուրքիայի զինուժի կենդանի ուժի կորուստները։

Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։

Աղբյուր` TRT haber

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։