Տարածաշրջան05:34, 20 Փետրվար 2018
Աֆրինում Սիրիայի կառավարական ուժերի հայտնվելու մասին լուրերն անհանգստացրել են Թուրքիային
Թուրքիային մեծապես անհանգստացրել է թուրքական և միջազգային մամուլում հայտնված այն լուրերը, համաձայն որոնց՝ Սիրիայի նախագահ Բաշար Ասադի ուժերը պատրաստվում են մտնել Աֆրին շրջան, որտեղ Թուրքիայի բանակն արդեն մոտ 1 ամիս ռազմական գործողություններ է իրականացնում տեղի քրդական ուժերի դեմ։
Ըստ թուրքական «Mynet» լրատվամիջոցի՝ այդ լուրերին առաջինը արձագանքել է Թուրքիայի արտգործնախարար Մևլութ Չավուշօղլուն։ Վերջինս մասնավորապես ասել է․
«Եթե կառավարական ուժերը մտնում են Աֆրին, որպեսզի այն մաքրեն քուրդ զինյալներից, ապա այդ դեպքում խնդիր չի լինի։ Բայց եթե նրանց նպատակը Սիրիայի քրդական ուժերին պաշտպանելն է, ապա պիտի ասեմ, որ մեզ ոչ մեկ չի կարողանա կանգնեցնել»։
Հարցի վերաբերյալ Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի Դաշնության և Իրանի Իսլամական Հանրապետության նախագահների հետ։ Նա իր գործընկերներին զգուշացրել է, որ Սիրիայի կառավարական ուժերի նման քայլը, լուրջ հետևանքներ է ունենալու։
Իսկ Թուրքիայի կառավարության խոսնակ Բեքիր Բոզդաղն ասել է, որ կառավարական ուժերի ներկայությունը Աֆրինում «աղետ» կբերի։
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
Այս ենթաբաժնի վերջին նորությունները
Թուրքիայի փոխնախագահ Ջևդեթ Յըլմազն Ադրբեջանի ներկայացուցչի հետ հանդիպմանը քննարկել է Հարավային Կովկասում օգոստոսի 8-ից հետո ստեղծված իրավիճակը:
Հրդեհի հետևանքով տուժվել է կենտրոնում գտնվող 17 խանութ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |