Թուրքիայի քրդամետ կուսակցության անդամը կարող է զրկվել պատգամավորական մանդատից

Քաղաքական11:27, 16 Փետրվար 2018

Թուրքիայի քրդամետ կուսակցության անդամը կարող է զրկվել պատգամավորական մանդատից

Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) խորհրդարանական խմբակցության ղեկավարի պաշտոնակատար և Մուշի պատգամավոր Ահմեթ Յըլդըրըմ կարող է զրկվել պատգամավորական մանդատից:

«Sputnik» լրատվամիջոցի թուրքական ծառայության համաձայն՝ պատճառը պատգամավորի՝ Թուրքիայի նախագահ Ռեջեփ Թայիփ Էրողանին վիրավորելն է: Քրդամետ կուսակցության պատգամավորը Էրդողանին անվանել էր «Պալատի թափթփուկ փադիշահ»:

Այդ արտահայտության համար Մուշի դատարանը նրան դատապարտել էր 1 տարվա ազատազրկման, սակայն պատիժը հետաձգվել էր: Պատգամավորին հնարավորություն էր տրվել գումարի դիմաց խուսափել ազատազրկումից:

Ավելի վաղ պատգամավորական մանդատից զրկվել էին քրդամետ կուսակցության նախկին համանախագահներ՝ Ֆիգեն Յուքսեքդաղը և Սելահաթթին Դեմիրթաշը, ովքեր այժմ բանտում են:

Նախօրեին էլ թուրքական դատարանը հետաքննություն էր սկսել HDP-ի նորընտիր համախագահներից մեկի՝ Փերվին Բուլդանի նկատմամբ: Նա մեղադրվում է «ահաբեկչական կազմակերպության օգտին քարոզչություն անելու» մեջ:

Աղբյուր` Ermenihaber.am

Այս ենթաբաժնի վերջին նորությունները

16:23, 21 մայ

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին: