Հասարակական12:59, 13 Փետրվար 2018
Բեքչյանի հրաժեշտի նամակը պոլսահայությանը
2017 թվականի մարտի 15-ին Պոլսի հայոց պատրիարքի տեղապահ ընտրված Գարեգին արքեպիոսկոպոս Բեքչյանը հրաժեշտի նամակով դիմել է պոսլահայությանը:
Բեքչյանը, նամակում ներկայացնելով պատրիարքի տեղապահի ընտրության ընթացքը, նշել է, որ 50 տարի արտասահմանում ապրելուց հետո Թուրքիա վերադառնալու միակ նպատակն է եղել կազմակերպել նոր պատրիարքի ընտրությունը: Բեքչյանը նշել է, որ խորապես սխալվել է՝ կարծելով, թե այս հարցում բարեխղճորեն և հավատքով առաջնորդվելը բավարար կլինի, և եկեղեցին ու ժողովուրդը խորամտությամբ կկարողանան պատրիարքի ընտրություններում հաջողության հասնել:
«Երբ ստանձնեցի տեղապահի պարտականությունները, առերեսվեցի ապշեցուցիչ իրողությունների հետ: Դրանցից ամենակարևոր բացահայտումն այն էր, որ ընտրական գործընթացն առաջին իսկ օրից չէր կարող ընթանալ թափանցիկ, ազնիվ և արդար ընտրական կանոնների համաձայն»,-գրել է արքեպիսկոպոսը՝ ընդգծելով, որ այդ ամենի ցավալի, վիրավորական դրսևորումներն ու օրինակները չի ցանկանում հիշել և հիշեցնել:
Երկրորդ տխուր իրողությունն այն է, որ նախկինի համեմատ ներկայումս Ստամբուլում չափազանց նվազել է ուժեղ կամքի տեր, համայնքի պատմության և արժեքներին քաջատեղյակ հոգևորականների ու աշխարհականների թիվը:
«Այն, ինչ կատարվեց, վերջին մեկ օրվա գործ չէ: Արդյունքը, որի թիրախում կարծես թե ես եմ, իրականում նպատակաուղղված է 85-րդ պատրիարքի ընտրությունները տապալելուն և բավականին երկար ու մշակված արշավի հետևանք է: Տխրեցնող, ցավալի ինտրիգներ են հյուսվել, որոնք անասելի չափերի են հասել:»
Բեքչյանը հայտնել է, որ ստեղծված իրավիճակում որոշել է կարճ ժամանակով հեռանալ Ստամբուլից, ինչը անում է հակառակ իր ցանկության:
Նա նշել է, որ համայնքի ներսում որևէ պատրվակով նոր ցնցումներ չպետք է թույլ տալ: Այդ իսկ պատճառով իր ներկայությամբ համայնքին և ղեկավարներին ապագա քայլերում չկաշկանդելու համար որոշել է հեռանալ Ստամբուլից:
Հիշեցնենք, որ փետրվարի 5-ին Ստամբուլի նահանգապետարանը պատրիարքարան նամակ էր ուղարկել, որով անվավեր էր համարվում պատրիարքի տեղապահ Գարեգին արքեպիսկոպոս Բեքչյանի ընտրությունը և այդ ընթացքում նրա ընդունած որոշումները, իսկ պատրիարքության ղեկավար էր ճանաչվում Արամ Աթեշյանին: Նամակում ընդգծվում է, որ պատրիարքի ընտրություններ չեն կարող անցկացվել, քանի դեռ ողջ է Մեսրոպ Մութաֆյան պատրիարքը:
Փետրվարի 9-ին Պոլսի հայոց պատրիարքարանում գումարված կրոնական ժողովը որոշել էր ընդառաջել պետության պահանջներին և Արամ Աթեշյանին վերականգնել պատրիարքի փոխանորդի պաշտոնում:
Այս ենթաբաժնի վերջին նորությունները
Կուսակցությունների ու նախագահի թեկնածուների վերաբերյալ հարցերից բացի հետազոտական ընկերությունը ժողովրդից հետաքրքրվել է, թե որն է այս պահին Թուրքիայի թիվ մեկ խնդիրը:
Հասան Աթիքը, ով չի թաքցնում իր սեռական կողմնորոշումը, գործունեություն է ծավալում որպես մարդու իրավունքների պաշտպան:
BBC-ի անձնակազմը ընդամենը մի քանի ժամում ինտերնետի օգնությամբ Ստամբուլում գնել է գողացված անձնագիր։
Ուղիղ խոսք
Եթե Եվրամիությունը բացեիբաց ասի՝ Թուրքիային չենք ընդունելու, մենք էլ կհանգստանանք ու կանցնենք մեր «B» և «C» պլաններին:
ամենաշատ ընթերցված
Անկարայում կայացել է Թուրքիայի իշխող կուսակցության ժողովը, որի ընթացքում ծանուցվել է, թե ինչպիսի արտաքին քաղաքականություն է իրականացվելու գալիք ընտրություններում հաղթելու դեպքում:
Թուրք-իսրայելական հարաբերությունների լարվածությունը նոր դրսևորումներ է ստանում:
Միացյալ Նահանգները, Անգլիան, Չինաստանը, Գերմանիան, Ֆրանսիան, Ռուսաստանը այս զենքի մշակման ոլորտում 20 տարում 5 մլրդ դոլարի ներդրում են արել։
ԱՄՆ-ի ներկայացուցիչների պալատնը որոշումն ընդունել է ձայների 66 դեմ և 315 կողմ հարաբերակցությամբ։
Տեղի ունեցածը խիստ դժգոհություն է առաջացրել Թուրքիայի ղեկավար շրջանակներում։ Դրան արձագանքել է Էրդողանի մամուլի խոսնակը:
Օրացույց
Հարցումներ
Թուրքիան առաջիկայում Սիրիայի կառավարությանը կհանձնի՞ Աֆրինի վերահսկողությունը:
արտարժույթ
| EUR | TRY | USD |
| 589.19 | 127.03 | 481.17 |