HDP-ի նոր համանախագահի նկատմամբ հետաքննություն է սկսվել

Տարածաշրջան13:11, 12 Փետրվար 2018

HDP-ի նոր համանախագահի նկատմամբ հետաքննություն է սկսվել

Թուրքիայում հետաքննություն է սկսվել երկրի քրդամետ «Ժողովուրդների դեմոկրատական կուսակցության» (HDP-ԺԴԿ) նորընտիր համախագահներից մեկի՝ Փերվին Բուլդանի նկատմամբ:

Ըստ թուրքական «Birgun» թերթի կայքի՝ նա մեղադրվում է «ահաբեկչական կազմակերպության օգտին քարոզչություն անելու» մեջ:

Պատճառը՝ 2008 և 2015թթ-ին Բուլդանի ունեցած ելույթներն են, որտեղ քուրդ կին քաղաքական գործիչն ասել էր, որ «Քուրդիստանի բանվորական կուսակցության» (ՔԲԿ- PKK) առաջնորդ ցմահ բանտարկված Աբդուլլահ Օջալանը պետք է ազատ արձակվի: Բացի դրանից նա ասել էր, որ «PKK»-ն ահաբեկչական կազմակերպություն չէ:

Աղբյուրը նշում է, որ եթե հայցը բավարարվի, ապա քուրդ գործչին սպառնում է մինչև 10 տարվա ազատազրկում:

Հիշեցնենք, որ փետրվարի 11-ին կայացել էր քրդամետ կուսակցության կոնգրեսը, որտեղ նոր համանախագահներ են ընտրվել, քանի որ Սելահաթթին Դեմիրթաշը և Ֆիգեն Յուքսեքդաղը այժմ բանտում են: Նոր համանախագահների պաշտոնը զբաղեցրել են Փերվին Բուլդանը և Սըրրը Սյուրեյա Օնդերը:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։