Էրզրումցիները կիսվում են Քարդաշյանի նկարներով ու գրում՝ «իմ համերկրացին»

Հասարակական07:25, 12 Փետրվար 2018

Էրզրումցիները կիսվում են Քարդաշյանի նկարներով ու գրում՝ «իմ համերկրացին»

«Պարզվել է, որ Քիմ Քարդաշյանի նախնիները էրզրումցիներ են»,-գրում է թուրքական «Gazeteguncel» կայքը:

Աղբյուրը, հղում անելով անգլիական «Daily Mail» թերթին, նշում է, որ Քարդաշյանի նախնիներն ապրել են Էրզրումի և Կարսի գյուղերում: Քիմի հայրական պապը` Թաթոսը, 1913 թվականին գաղթել է Միացյալ Նահանգներ:

Այժմ Կարսի Քարաքալե գյուղում ապրող Մուամեր Չոփուր անունով քաղաքացին պնդում է, որ ինքը Քիմի զարմիկն է, իր և Քիմի տատերը քույրեր են:

«29-ամյա Չոփուրը պատմում է, որ համագյուղացիները նախանձում են իրեն ու փորձում իմանալ, թե արդյոք իրենք էլ որևէ ազգակցական կապ ունեն հայտնի աստղի հետ»,-հայտնում է կայքը:

Այս տեղեկատվության՝ թուրքական մամուլում հայտնվելուց հետո սոցցանցերում կարսեցիներն ու էրզումցիները կիսվել են Քարդաշյանի նկարներով ու գրել «իմ համերկրացին»:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։