Հասարակական14:08, 07 Փետրվար 2018
Աֆրինում մնացած վերջին հայը. Ցեղասպանությունը նորից գտավ մեզ
Սիրիայի Աֆրին քրդաբնակ քաղաքի վրա 19 օր շարունակվող թուրքական հարձակումը այնտեղ բնակվող վերջին հային՝ Հարութ Գևորգին հիշեցնում են ցեղասպանության ժամանակները: Այս մասին Գևորգն ասել է «Mezopotamya» լրատվական գործակալության հետ զրույցում:
61-ամյա Գևորգի ընտանիքը մազապուրծ է եղել Հայոց ցեղասպանությունից: Բռնագաղթվել է նախ Սիրիայի ներկայիս Ազազ շրջան, ապա՝ Աֆրին: 50 տարի առաջ Աֆրին եկած Գևորգը զբաղվում է հայերի շրջանում ժամանակին շատ տարածված մասնագիտություններից մեկով՝ երկաթագործությամբ: Դարբին Գևորգը, որն այժմ մի փոքրիկ մետաղագործական իրերի խանութ է աշխատեցնում, հերթով ցույց է տվել փողոցի վրայի հին խանութներն ու արհեստանոցները՝ մեկ առ մեկ հիշելով դրանց հեռացած հայ տերերին:
Գևորգը պատմել է, թե ինչպես են Հալեպում բնակվող մեծ թվով հայերի ստիպված եղել կրկին գաղթի ճանապարհը բռնել սիրիական պատերազմի հետևանքով:
Խոսելով իր ընտանիքի պատմության մասին՝ Գևորգը մասնավորապես ասել է. «Ես Այնթափի հայերից եմ: 1915-ին աքսորվել ենք այնտեղից: Ցեղասպանության ժամանակ եկանք Հալեպ, ավելի ուշ տեղափոխվեցինք Աֆրին: Ինձ հետ բազմաթիվ հայ ընտանիքներ կային: Նրանց մեծ մասը զոհվեց, մի մասն էլ պատերազմի հետևանքով արտագաղթեց: Աֆրինում միայն ես եմ մնացել: Այստեղ բնակվող մյուս բոլոր ժողովուրդների հետ հիմնվել ենք Աֆրինում ու այժմ միասին տեր ենք կանգնում մեր քաղաքին: Թուրքիան 100 տարի է, ինչ շարունակում է իր հարձակումները: Ինչպես այն ժամանակ էր կանանց ու երեխաներին սպանում, հիմա էլ նույն բանն է անում: Ցեղասպանությունը մի դար հետո կրկին գտավ մեզ»:
Աղբյուրի փոխանցմամբ վերջում Գևորգը հայերեն կոչով դիմել է միջազգային հանրությանը. «Մենք ներկայիս Թուրքիայում գտնվող մեր հայրենիքից բռնագաղթվեցինք: Եկանք այստեղ, հիմա էլ այստեղից են ուզում մեզ աքսորել: Մենք ցանկանում ենք, որ դադարեցվեն այս պատերազմն ու հարձակումները: Մեր կոչն ուղղված է աշխարհի բոլոր ժողովուրդներին»:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի:
Այս ենթաբաժնի վերջին նորությունները
Եթե դիտարկենք երկրի ընդհանուր բնակչության թիվը, ապա 2018թ. ծերերը կազմում էին քաղաքացիների 8.8%-ը, իսկ 2023-ին՝ արդեն 10.2%-ը։
Թուրքիայի Սինոպ քաղաքը համարվում է տարեց բնակչության ամենաբարձր ցուցանիշ ունեցող քաղաքը, իսկ ամենացածր ցուցանիշ ունեցող քաղաքը համարվում է Շըրնաքը։
Գյոլբաշ գյուղում առատ ձյան տեղումների և բքի հետևանքով բնակիչների տներն անցել են ձյան տակ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |