Տարածաշրջան07:52, 02 Փետրվար 2018
Էրդողանի խորհրդականը սպառնացել է կոտրել հույների ձեռուոտը
Թուրքիայի նախագահ Ռեջեփ Թայիփ Էրդողանի խորհրդական Յիղիթ Բուլութը սպառնացել է կոտրել Հունաստանի բարձրաստիճան պաշտոնյաների ոտքերը և ձեռքերը, եթե նրանք համարձակվեն ոտք դնել Էգեյան ծովում գտնվող Քարդակ (հուն.՝ Իմիա) կղզու վրա: Այս կղզին հանդիսանում է վիճելի տարածք Թուրքիայի և Հունաստանի միջև:
«Ցանկացած սպայի, վարչապետի, կամ էլ նախարարի ոտքերը և ձեռքերը կկոտրենք, եթե հանկարծ համարձակվեն ոտք դնել Քարդակի վրա: Նրանք իրենց մաշկի վրա կզգան մեր զայրույթը ավելի ուժեղ ձևով, քան հիմա այն առկա է Աֆրինում»,- թուրքական «TRT» հեռուստաալիքի եթերով ասել է Էրդողանի խորհրդականը:
Էրդողանի խորհրդականի այս հայտարարությանն արձագանքել է նաև Հունաստանի արտգործնախարարությունը: Վերջինս նշել է, որ այդ խոսքերը չեն նպաստելու թուրք-հունական հարաբերությունների լավացմանը:
Նման կոշտ հայտարարության պատճառ էր հանդիսացել այն փաստը, որ Հունաստանի պաշտպանության նախարարությունը հայտարարություն էր տարածել, թե իրենց պաշտպանության նախարարը ծաղկեպսակ էր դրել 1996թ. Էգեյան ծովի ավիաաղետում զոհվածների հիշատակին: Այդ ժամանակ Էգեյան ծով էր ընկել ուղղաթիռ, որի մեջ եղել էին հույն զինվորներ:
Թեպետ թուրքական կողմը հերքում է, որ հույն նախարարը կարողացել է մոտենալ կղզուն, սակայն Հունաստանի ռազմածովային ուժերը պնդում են հակառակը և նույնիսկ տեսանյութ են հրապարակել որտեղ երևում է, որ հույն պաշտոնյայի նավը մոտենում է կղզուն:
Հիշեցնենք, որ Իմիա կղզու հարցում Թուրքիան և Հունաստանը միշտ ունեցել են հակասություններ: Բանն այն է, որ 1932թ. Թուրքիայի և Իտալիայի միջև կնքված պայմանագրով կզղին անցնում է Իտալիային, իսկ հետո՝ Հունաստանին: Թուրքիան մինչ այժմ փորձում է խախտել այդ պայմանագրի կետերը և այդ կղզին կցել իր տարածքին:
Իմիայում կողմերի միջև առաջին լուրջ բախումը տեղի է ունեցել 1996 թ., երբ կողմերը մոտ էին միմյանց պատերազմ հայտարարելուն, սակայն իրավիճակը ժամանակավորապես հարթվեց ՆԱՏՕ-ի և ԱՄՆ-ի միջնորդությամբ: Եվ Թուրքիան, և Հունաստանը հանդիսանում են ՆԱՏՕ-ի անդամ:
Այս ենթաբաժնի վերջին նորությունները
Թուրքիայի պաշտպանության նախարար Յաշար Գյուլերը հայտարարել է, որ Իրաքը ահաբեկչական է ճանաչել «Քուրդիստանի բանվորական կուսակցությանը»:
Խորհրդակցությունների ընթացքում կողմերը քննարկել են Թուրքիայի և ՌԴ-ի ընդհանուր օրակարգում գտնվող տարածաշրջանային հարցեր։
ՄԱԿ-ը հրապարակել է 2023-ի 2-րդ կեսին Սիրիայում տեղի ունեցած իրադարձություններ մասին զեկույց, որտեղ անդրադարձ է կատարվել նաև Թուրքիայի կողմից ձեռնարկված հարձակումներին:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Վերլուծաբանները նշում են, որ Թուրքիան կախված է ՌԴ-ից բնական գազի, նավթի, ածխի և նավթաքիմիական այլ ապրանքների ձեռք բերման հարցում և լավ գաղափար չէ նույնը անել նաև միջուկային էներգիայի համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |