Հասարակական12:24, 01 Փետրվար 2018
Deutsche Welle-ի անդրադարձը․ Թուրքիայում Լինչի դատաստանը սովորական է դառնում
Թուրքիայում Լինչի դատաստանը հետզհետե սովորական երևույթ է դառնում։ Նման խորագրով հոդված է հրապարակել «Deutsche Welle»-ի թուրքական ծառայությունը՝ անդարդառնալով Թուրքիայի կողմից Աֆրինում իրականացվող ռազմագործողությանն ուղեկցող քաղաքական-հասարակական զարգացումներին։
Աղբյուրը նկատում է, որ մի կողմից ձերբակալվում են Աֆրինի գործողության մասին սոցցանցերում կամ լրատվականներում հրապարակում կատարողները, մյուս կողմից թիրախավորվում են նաև երևույթին բացարձակապես չանդրադարձողները։
«Իշխանությանը մոտ կանգնած մի հեռուստահաղորդման ժամանակ հաղորդավարները մեկ առ մեկ ստուգում էին հայտնիների սոցիալական ցանցերի հաշիվները։ Նրանք որպես «Աֆրինի գործողությանը չաջակցող հայտնիներ» պիտակավորում էին այն օգտատերերին, ովքեր Աֆրինի մասին որևէ հրապարակում չէին կատարել», - տեղեկացնում է «Deutsche Welle»-ն։
Նմանատիպ մեկ այլ դեպք է տեղի ունեցել դերասանուհի Գուփսե Օզայի հետ, ով իր թվիթերյան հաշիվն օգտագործում է գերազանցապես մշակութային կյանքի լուսաբանման համար և Աֆրինի մասին որևէ հրապարակում չի կատարել։ Սակայն երբ լսել է Ալյասկայում տեղի ունեցած երկրաշարժի մասին, որի պատճառով հազարավոր մարդիկ նն զոհվել, դերասանուհին ցավակցական հրապարակում է կատարել։ Հենց այդ հրապարակման համար նա քննադատության է ենթարկվել այլ օգտատերերի կողմից։ Ի վերջո, Օզայը հարկադրված է եղել ներողություն խնդրել և հեռացնել Ալյասկայի վերաբերյալ իր գրառումը։
«Մի ռադիոհաղորդավար կոչ է անում զարկել բոլոր նրանց, ովքեր Աֆրինի օպերացիայի դեմ կբողոքեն, ձայն կհանեն․ լինի դա լրագրող, թե պատգամավոր։ Եվ սա ցույց է տալիս, թե Լինչի դատաստանի մշակույթը այս հասարակության մեջ ինչ աստիճանի է հասել։ 2008թ․ հրատարակված «Լինչի ռեժիմը Թուրքիայում» վերնագրով գրքի հեղինակ Թանըլ Բորայի վկայությամբ՝ անցած 10 տարիների ընթացքում Լինչի դատաստանի մշակույթում բացասական «զարգացում» է գրանցվել», - գրում է գերմանական պարբերականը։
Աղբյուրի համաձայն՝ հասարակության շրջանում Լինչի դատաստանի տարածմանն ու սովորական դառնալուն մեծապես նպաստել է նաև դեկտեմբերին ընդունված համար 696 KHK-ն (օրենքի ուժ ունեցող որոշումը)։ Դրա համաձայն՝ «2016թ․ հուլիսի 15-ի հեղաշրջման փորձի և ահաբեկչական գործողությունների կամ դրանց հաջորդած զարգացումների ճնշմանն ուղղված գործողությունները» անպատիժ կմնան։ Ընդ որում նմանատիպ հիմնավորմամբ անպատիժ կերպով ճնշումներ կարող են գործադրել ինչպես պետական աշխատակիցներն՝ իրենց պաշտոնական իրավասությունների ու պարտականությունների շրջանակներում, այնպես էլ այդպիսիք չհանդիսացողները։
Այս ենթաբաժնի վերջին նորությունները
1961-ից 2021-ն ընկած ժամանակահատվածում ամենաշատ աճը ծնելիության մակարդակում գրանցվել է Սաուդիան Արաբիայում. այն կազմել է 7.63 գործակից:
«Տեղեկատվության անվտանգության մասնագետի» համար պահանջվող սերտիֆիկատը կարող են ձեռք բերել միայն «Սպիտակ հաքեր» անունով հայտնի մասնագետները:
Նշված ժամանակահատվածում Թուրքիան հյուրընկալել է ավելի քան 4 մլն տուրիստ, որից շուրջ 438.000-ը եղել է իրանցի:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ընդդիմադիր շրջանակներում պտտվում են լուրեր, որոնց համաձայն՝ ԱԶԿ-ի ներսում լարված մթնոլորտ է տիրում:
Թուրքիայում իշխող կուսակցության հետ դաշինքի մեջ գտնվող MHP-ի առաջնորդն անդրադարձել է վերջերս Իրանի և Իսրայելի միջև ծագած լարվածությանը:
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
Ի լրումն հարվածային գործառույթների՝ «KEMANKEŞ 2-» հրթիռը կարող է օգտագործվել տվյալների հավաքագրման և փոխանցման համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |