Թուրքիայի արտգործնախարարությունը պարզաբանումներ է պահանջել Ռուսաստանից

Տարածաշրջան10:55, 31 Հունվար 2018

Թուրքիայի արտգործնախարարությունը պարզաբանումներ է պահանջել Ռուսաստանից

Թուրքիայի արտաքին գործերի նախարարությունը Ռուսաստանից բացատրություններ է պահանջել` Սոչիում Սիրիայի հարցով հրավիրված կոնգրեսին Թուրքիայի ձախակողմյան «ժողովրդական ազատագրական կուսակցություն-ճակատի» (DHKP-C) կոմունիստ անդամ Միհրաչ Ուրալի մասնակցության վերաբերյալ:

Ըստ «Haberturk» լրատվամիջոցի՝ Ուրալը Թուրքիայի կողմից մեղադրվում է թուրքական Հաթայ նահանգի Ռեյհանլը շրջանում 2013 թ.-ի ահաբեկչությանը մասնակցելու մեջ: Դրա հետևանքով մահացել էր 52 մարդ:

Թուրքիայի արտգործնախարարությունը շեշտել է, որ Միհրաչ Ուրալի անունը կոնգրեսի մասնակիցների ցանկում նախապես նշված չի եղել:

Հիշեցնենք, որ Սոչիում տեղի ունեցած սիրիական ազգային երկխոսության գլխավոր արդյունքը սահմանադրական հանձնաժողովի ստեղծումն է: Սահմանադրական հանձնաժողովը կփոփոխի ներկայիս սահմանադրությունը, կամ կկազմի նորը: Հանձնաժողովի կազմում կներառվեն թե՛ Սիրիայի կառավարության թե՛ սիրիական ընդդիմության ներկայացուցիչները:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։