Սիրիայի 3 շրջան այս պահին գտնվում է Թուրքիայի վերահսկողության տակ

Տարածաշրջան06:22, 30 Հունվար 2018

Սիրիայի 3 շրջան այս պահին գտնվում է Թուրքիայի վերահսկողության տակ

Թուրքիայի Դենիզլի նահանգի Մերքեզեֆենդի շրջանում տեղի է ունեցել իշխող «Արդարություն և զարգացում» (ԱԶԿ-AKP) կուսակցության ժողովը, որին մասնակցել է նաև երկրի ներքին գործերի նախարար Սուլեյման Սոյլուն:

Ինչպես տեղեկացնում է թուրքական «Alevinet» լրատվական կայքը, թուրք պաշտոնյան հայտարարել է, որ այս պահին Թուրքիան վերահսկում է Սիրիայի Ազեզ, Ջերաբլուս և Մարել շրջանները:

«Ես որպես ներքին գործերի նախարար հայտարարում եմ, որ Ազեզում, Ջերաբլուսում, Մարելում մեր կողմից նշանակվել են ոստիկանապետեր, գավառապետներ և ժանդարմերիայի հրամանատարներ»:

Թուրք պաշտոնյան նաև մեղադրանքներ է հնչեցրել ԱՄՆ-ի հասցեին և վերջինիս մեղադրել Սիրիայի քրդերին աջակցելու մեջ: Նա պնդել է, որ հիմա Սիրիայում քաոս է տիրում, դա ԱՄՆ-ի մեղքն է:

«Այսօր ԱՄՆ-ն Սիրիայում ահաբեկչական կազմակերպություններին իր հովանու տակ է առել: «Քուրդիստանի բանվորական կուսակցությունը» (ՔԲԿ-PKK) և «Ժողովրդավարական միություն կուսակցությունը» (ԺՄԿ-PYD) ԱՄՆ-ի հովանու տակ են: Հինգ հազար բեռնատարների միջոցով զենք է ուղարկվում, հարյուրավոր բեռնատար ինքնաթիռներ ուղարկվում են Սիրիա: Դրանով հող է նախապատրաստվում այդ տարածաշրջանում քաոս ստեղծելու համար»,-ասել է Սոյլուն:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։