Ամերիկացի նախկին բարձրաստիճան զինվորականը հայտարարել է, որ Թուրքիային պիտի հանել ՆԱՏՕ-ի կազմից

Քաղաքական10:17, 30 Հունվար 2018

Ամերիկացի նախկին բարձրաստիճան զինվորականը հայտարարել է, որ Թուրքիային պիտի հանել ՆԱՏՕ-ի կազմից

Ամերիկյան բանակի նախկին բարձրաստիճան սպա, արտաքին քաղաքական վերլուծություններով հայտնի Ռալֆ Փեթերսը հայտարարել է, որ անհրաժեշտ է Թուրքիային հեռացնել ՆԱՏՕ-ի կազմից:

Ըստ թուրքական «Anadolu» պետական լրատվական գործակալության՝ Փեթերսը նմանատիպ հայտարարություն է արել ԱՄՆ նախագահ Դոնալդ Թրամփի հետ կապերով հայտնի ամերիկյան «Fox» մեդիա հոլդինգի մասը հանդիսացող «Fox Business» հեռուստաալիքի եթերում:

«ԱՄՆ-ի սիրիական քաղաքականությունը և Թուրքիայի հետ հարաբերություններ» թեմայով քննարկմանը Փեթերսը նշել է, որ Մերձավոր Արևելքում Իսրայելից հետո ԱՄՆ-ի ամենակարևոր դաշնակիցները քրդերն են:

«ԱՄՆ-ն չի կարողանում այս պահին օգնել քրդերին, քանի որ նրանց վրա հարձակվել է ՆԱՏՕ-ի իրենց դաշնակից Թուրքիան: Այդ դեպքում ԱՄՆ-ը ինչու՞ չի կարողանում Թուրքիային հանել ՆԱՏՕ-ից»,- հաղորդավարի հարցին ի պատասխան՝ Փեթերսն ասել է. «Ես 100 տոկոսով կիսում եմ այդ միտքը: Նախ կարող ենք առկախել Թուրքիայի անդամակցությունը ՆԱՏՕ-ին:

Այս պահին Թուրքիան հարձակվել է Մերձավոր Արևելքում, Իսրայելից հետո մեր ամենալավ դաշնակիցների՝ քրդերի վրա: Թուրքերը վատն են, քրդերը լավն են, մենք էլ հիմար ենք»:

Նշենք, որ Փեթերսը ավելի վաղ հանդես էր եկել ծավալուն հոդվածով՝ աջակցություն հայտնելով 2016-ի հուլիսի 15-ին Թուրքիայում տեղի ունեցած ձախողված հեղաշրջմանը: Ամերիկացի նախկին զինվորականը հեղաշրջման փորձն անվանել էր «Թուրքիայի վերջին հույս»:

Աղբյուր` Ermenihaber.am

Այս ենթաբաժնի վերջին նորությունները

16:23, 21 մայ

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին: