Տարածաշրջան07:26, 26 Հունվար 2018
Սիրիայի ՀՕՊ համակարգերը պատրաստ են խոցել Թուրքիայի կործանիչները
Սիրիայի փոխարտգործնախարար Ֆայսալ Միքդաթը հայտարարել է, որ Թուրքիայի զինուժի ներխուժումը իրենց երկիր հանդիսանում է ինքնիշխանության խախտում:
Թուրքական «Diken» թերթի կայքի փոխնացմամբ՝ նա պաշտոնական Անկարային զգուշացրել է, որ իրենց ՀՕՊ համակարգերը պատրաստ են խոցել Թուրքիայի օդուժը:
Պատասխանելով այն հարցին, թե արդյոք Սիրիայում սկսված «Ձիթենու ճյուղ» ռազմական օպերացիան տեղի ունեցավ Ռուսաստանի համաձայնությամբ, սիրիացի պաշտոնյան ասել է.
«Մենք չգիտենք, թե Ռուսաստանը ինչ է մտածում: Չեմ կարծում, որ Ռուսաստանը կարող է քայլ անել Սիրիայի անունից, կամ էլ դեմ գնալ այն սկզբունքներին, որոնք պաշտպանում է Սիրիայում: Թուրքիայի գործողությունները Սիրիայի դեմ հանդիսանում են ինքնիշխանության խախտում: Սիրիան բոլոր իրավունքները ունի ցանկացած տեսակի պատասխան տալ»:
Լրագրողները հետաքրքրվել են, թե արդյոք այդ պատասխանը կարող է լինել ռազմական գործողությունների տեսքով և, եթե այո, ապա արդյոք պաշտոնական Դամասկոսը կսկսի խոցել Թուրքիայի օդուժը:
«Մենք դրա մասին շատ բացահայտ ասացինք: մեր ՀՕՊ համակարգերը միշտ պատրաստի վիճակում են»,- պատասխանել է Միքդաթը:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
Այս ենթաբաժնի վերջին նորությունները
Տեղացիները նշում են, որ նախկինում գյուղից-գյուղ գնում էին նավակով, իսկ այժմ՝ ոտքով։
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Թուրքիայի նախագահը, Ադրբեջանից վերադառնալիս, ինքնաթիռում պատասխանել է լրագրողների հարցերին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գործընթացը մեկնարկել է հուլիսի 11-ին Իրաքի հյուսիսում գտնվող Սուլեյմանիե նահանգում:
Տեղացիները նշում են, որ նախկինում գյուղից-գյուղ գնում էին նավակով, իսկ այժմ՝ ոտքով։
Դատարանը հայտնել է, որ խնդրի վերաբերյալ նախնական որոշում կկայացվի մինչև 2025-ի օգոստոսի 8-ը։
«Թուրքիայի նպատակները և տարածաշրջանային ներկայությունը երկար ժամանակ սպառնալիք է ստեղծելու Իսրայելի անվտանգության համար»:
Թուրքիայի նախագահը նաև անդրադարձել է ռուս-ուկրաինական հակամարտությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |