Էրդողանի կոշտ հայտարարությունը Գերմանիայում թուրք-քրդական ծեծկռտուքի մասին (տեսանյութ)

Քաղաքական12:14, 24 Հունվար 2018

Էրդողանի կոշտ հայտարարությունը Գերմանիայում թուրք-քրդական ծեծկռտուքի մասին (տեսանյութ)

Թուրքիայի նախագահ Ռեջեփ Թայիփ Էրդողանը հանդիպել է գյուղական համայնքների ղեկավարների հետ, որի ժամանակ անդրադարձել է երկրի օրակարգային մի շարք հարցերի:

Ըստ թուրքական «Haberler» լրատվամիջոցի՝ Թուրքիայի նախագահն արձագանքել է այն դեպքին, երբ Գերմանիայի Հաննովեր քաղաքի օդանավակայանում տեղի է ունեցել զանգվածային ծեծկռտուք քրդերի և թուրքերի միջև:

Միջանկյալ նշենք, որ բախման պատճառ էր հանդիսացել այն, որ Թուրքիայի զինված ուժերը Սիրիայի քրդական ուժերի վերահսկողության տակ գտնվող Աֆրին շրջանում հունվարի 20-ին ռազմական օպերացիա էին սկսել:

«Հապա բարեկամ Գերմանիային տեսեք: «Քուրդիստանի բանվորական կուսակցության» (PKK-ՔԲԿ) կողմնակիցները մեր քաղաքացիներին ոտքով հարվածում են, իսկ Գերմանիայի ոստիկանությունը պարզապես կողքից դիտում է այդ ամենը: Ինչպե՞ս է դա տեղի ունենում: Մինչև ո՞ւր է հասնելու այս ամենը: Մինչև հիմա կուլ տվեցինք, կուլ տվեցինք: Լսե՛ք, լավ սա ինչ իրավունք է: Եթե քեզ մոտ չի պահպանվում ուղևորի անվտանգությունը, էլ դու ինչ պետություն ես»,-ասել է Էրդողանը:

Աղբյուր` Ermenihaber.am

Այս ենթաբաժնի վերջին նորությունները

11:53, 03 հուն

Ֆիդանն անդրադարձել է Թուրքիա-ՌԴ-Ուկրաինա եռակողմ հանդիպման արդյունքերին

Թուրքիայի ԱԳ նախարարի խոսքով, հանդիպման ժամանակ համաձայնություն է ձեռք բերվել շարունակել պատրաստությունները՝ առաջնորդների մակարդակով հանդիպման համար հող ստեղծելու ուղղությամբ։

09:57, 03 հուն

Անկարայում ոճրագործ Թալեաթ փաշային նվիրված հուշատախտակ է բացվել

Հուշատախտակի բացման նախաձեռնողը Թուրքիայի գլխավոր ընդդիմադիր, քեմալական «Ժողովրդահանրապետական կուսակցություն»-ից ընտրված Անկարայի քաղաքապետ Մանսուր Յավաշն է: