Տարածաշրջան05:32, 18 Հունվար 2018
Թուրքիայում գումարվել է ազգային անվտանգության խորհրդի նիստ
Հունվարի 17-ին երեկոյան Անկարայում տեղի է ունեցել Թուրքիայի Ազգային անվտանգության խորհդի նիստ, որը նախագահել է երկրի նախագահ Ռեջեփ Թայիփ Էրդողանը։
Ըստ թուրքական «Haberler» լրատվամիջոցի՝ նիստի օրակարգային հարցերն են եղել Թուրքիայում արտակարգ դրության երկարացման և սիրիական Աֆրին շրջանի շուրջ ստեղծված իրավիճակը, որը գտնվում է քրդերի վերահսկողության տակ։
Նիստը տևել է 4․5 ժամ: Ավարտին հրապարակվել է հայտարարություն, որով Թուրքիայի կառավարությանը խորհուրդ է տրվել երկարացնել Թուրքիայում գործող արտակարգ դրությունը։ Սակայն հստակ ժամկետներ չեն նշվել, թե որքան ժամանակով է այն երկարաձգվելու:
Սիրիայի քրդական ուժերի վերահսկողության տակ գտնվող սիրիական Աֆրին շրջանի վերաբերյալ ասվել է, որ ԱՄՆ-ն անհապաղ պետք է ետ վերցնի այն զենքերը, որոնք տրամադրել է Սիրիայի քրդական ուժերին։
Նշվել է, որ պաշտոնական Անկարան հնարավոր ամեն բան անելու է, որ ԱՄՆ-ն չկարողանա Սիրիայի քրդական ուժերից նոր զորախումբ ստեղծել իր սահմանների մոտ։ Ըստ հայտարարության՝ Թուրքիան երբեք թույլ չի տա, որ քրդական ուժերի վերահսկողության տակ գտնվող շրջանները միանան և համապատասխան միջոցառումներ կձեռնարկի դա կանխելու համար:
Հիշեցնենք, որ թուրքական լրատվամիջոցներում ավելի վաղ նշվել էր, որ, ԱՄՆ-ն Սիրիայի քրդական ուժերից պատրաստվում է նոր զորախումբ ստեղծել: Ի պատասխան դրան, Թուրքիայի բարձրաստիճան պաշտոնյաները սպառնում են Սիրիայի քրդաբնակ շրջաններում ռազմական գործողություններ սկսելով:
Այս ենթաբաժնի վերջին նորությունները
Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։
Օմեր Չելիք. «Մեր պետական կառույցները մանրակրկիտ կերպով հետևելու են այս գործընթացին»:
Նշվում է, որ հնարավոր այցը կապված է Նիկեայի 1-ին տիեզերական ժողովի 1700-ամյակի հետ:
Ավելի վաղ ՌԴ նախագահ Վլադիմիր Պուտինն էր առաջարկել Ստամբուլում վերսկսել խաղաղության շուրջ ռուս-ուկրաինական բանակցությունները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |