Իրավական11:15, 18 Հունվար 2018
Թուրք գործիչ. «11 տարի է արդարություն և խիղճ ենք փնտրում, բայց չենք գտնում»
Թուրքիայի հայկական «Ակոս» թերթի հիմնադիր և խմբագրապետ Հրանտ Դինքի սպանության 11-րդ տարելիցի կապակցությամբ Թուրքիայի «Ազատություն և համերաշխություն» (ÖDP) կուսակցության Անթալիայի նահանգային կառույցի ղեկավարը գրավոր հայտարարություն է տարածել:
«Հրանտ Դինքի սպանությունից 11 տարի անցավ: Մեր եղբայրը ոչ միայն հայ էր, այլև քուրդ, թուրք, լազ, բոսնիացի, վրացի, ասորի, արաբ, քրիստոնյա, մահմեդական, եզդի, մահմեդական, ալևի: Նա իր մեջ կրում էր ժողովուրդների համերաշխության համընդհանուր բարությունը»,-ըստ թուրքական «Birgun» թերթի կայքի՝ գրել է Քայաօղլուն:
Վերջինս նշել է, որ հաճախ Թուրքիայում ազգայնական դրսևորումները հանդիսանում են օրինական երևույթ, իսկ ֆաշիստական հարձակումները որակվում են որպես «Ժողովրդի բնական արձագանք»: Եվ ահա այդ ազգայնականության զոհն էլ հենց դարձավ Դինքը:
«11 տարի է արդարություն և խիղճ ենք փնտրում, բայց չենք գտնում: 11 տարի է դիմում ենք դատաիրավական համակարգին, կառավարությանը, խորհրդարանին, սակայն արդյունք չկա: 11 տարի է մենք փողոցում խոսում ենք այն մարդասպանների մասին, որոնք կանգնած են սպանության ետևում, սակայն նրանք մեզ չեն լսում: Հրանտին սպանողներին և վերջիններիս աջակիցներին մեկ անգամ ևս հիշեցնում ենք. դուք այլևս չեք կարողանա իրականացնել նման սպանություն: Այս հողերում դեռ ապրում են Հրանտներ և անշուշտ կշարունակեն ապրել»,-նշել է թուրք քաղաքական գործիչը:
Հիշեցնենք, որ Դինքը սպանվել էր 2007 թվականի հունվարի 19-ին: 2012 թ. դատարանի որոշմամբ` Դինքի սպանության կազմակերպիչ Յասին Հայալը ցմահ բանտարկٳթյան դատապարտվեց, իսկ սպանությունն իրականացրած Օգյուն Սամասթը դատապարտվեց 22 տարվա ազատազրկման: 2014թ. Ստամբուլի ծանր հանցանքների դատարանը որոշում կայացրեց Դինքի սպանության գործը վերստին քննել:
Այս ենթաբաժնի վերջին նորությունները
Նիդերլանդական թերթերը ոստիկանության պահանջով հրապարակել էին հանցագործի լուսանկարը և կոչ արել տեսնելու դեպքում կապ հաստատել ոստիկանության հետ։
Թուրքիայի Քրեական օրենսգրքի 301-րդ հոդվածի շրջանակներում նրանց դեմ քրեական գործ է հարուցվել։
Տուգանվածների թվում են նաև Թուրքիայում հայտնի երկու երգչուհի։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
«Աշխարհի առաջնորդները քաղաքացիներին են գումար փոխանցում, իսկ Էրդողանը իր հաշվեհամարն է տալիս քաղաքացիներին»,- դժգոհել է Կարո Փայլանը:
Իրաքի Քանդիլ շրջանի մոտակայքում սպանված Բիլենը PKK-ի գործողությունները համակարգող «Քրդական համայնքների միության» նախագահության 6 ակտիվ անդամներից մեկն է:
Ակնհայտ միակողմանի և ապակառուցողական մոտեցում որդեգրած Թուրքիան կոչ է անում ԵԱՀԿ Մինսկի խմբին չճանաչել Արցախում կայանալիք ընտրությունները։
Թուրքիայի նախագահը հայտարարել էր «Ազգային համերաշխության արշավ» անվանումով դրամահավաք սկսելու մասին:
«Ձեզ անակնկալ ունեմ։ Ես վարակված եմ կորոնավիրուսով։ Այս նամակի վրա մի քանի անգամ հազացել եմ և չորս կողմը մաքրել եմ լեզուս։ Ես մենակ չեմ լքելու այս աշխարհը»,- գրված է եղել նամակում։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |