Թուրքիայի զինուժը գնդակոծել է Աֆրինի քրդերի հենակետերը

Տարածաշրջան06:48, 17 Հունվար 2018

Թուրքիայի զինուժը գնդակոծել է Աֆրինի քրդերի հենակետերը

Սիրիայի Աֆրին նահանգ ներխուժել պատրաստվող Թուրքիայի զինված ուժերը գնդակոծել է տեղի քրդական «Ժողովրդական ինքնապաշտպանական ջոկատներ»-ի (ԺԻՋ-YPG) դիրքերը:

Ըստ թուրքական «Haberler» լրատվամիջոցի՝ հաուբիցներով արձակված կրակից սպանվել է 30 քուրդ զինյալ և ոչնչացվել վերջիններիս մի շարք թաքստոցներ:

Այժմ «Սիրիայի ազատ բանակ» (Սիրիայի ընդդիմադիր ուժեր) խմբավորման զինյալները և թուրք զինվորները (20.000 կենդանի ուժ) հրամանի են սպասում, որ ցամաքային գործողություններ սկսեն Աֆրինում:

Միջանկյալ նշենք, որ նախօրեին Թուրքիայի նախագահ Ռեջեփ Թայիփ Էրդողանը հայտարարել է, որ Աֆրինի ռազմական գործողությունները իրականացվելու են «Սիրիայի ազատ բանակ»-ի հետ:

Աղբյուրը, հղում անելով Սիրիայի ընդդիմադիր ուժերի աղբյուրներին, պնդում է, որ ԱՄՆ-ն Սիրիայի քրդերին է տարամադրել «MANPAD» տեսակի շարժական ՀՕՊ հրթիռներ:

Պաշտոնական Անկարան վերջին օրերին թուրք-սիրիական սահմանի մոտ գտնվող մի շարք շրջաններում (Մարդին, Շանլըուրֆա. Գազիանթեփ, Հաթայ), զինտեխնիկա է կուտակել: Իրենց հերթին քրդական ուժերը Սիրիայի Քոբանի և Քամըշլը շրջաններից իրենց ուժերը տեղափոխել են Աֆրին:

Հիշեցնենք, որ այն բանից հետ, երբ ԱՄՆ-ն Սիրիայի քրդական ուժերից նոր զորախումբ ստեղծելու մասին որոշում կայացրեց, Թուրքիայի մի շարք բարձրաստիճան պաշտոնյաներ հայտարարություններ արեցին, որ իրենք անհրաժեշտության դեպքում կարող են ներխուժել Սիրիաի Աֆրին նահանգ և ռազմական գործողություն իրականացնել: Վերջինս գտնվում է Սիրիայի քրդական ուժերի վերահսկողության տակ, որոնց պաշտոնական Անկարան ահաբեկչական է համարում:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։