Քաղաքական11:37, 17 Հունվար 2018
Die Welt. Գերմանիան ու Թուրքիան փորձում են կարգավորել լարված հարաբերությունները
Թուրք-գերմանական լարված հարաբերությունների կարգավորման նպատակով հունվարի 17-ին Բեռլինում Գերմանիայի ներքին գործերի նախարարության ներկայացուցիչները հանդիպելու են թուրք պաշտոնյաների հետ:
Այդ մասին հայտնում է «Haberler» լրատվամիջոցը` հղում անելով գերմանական «Die Welt»-ին:
Թուրք-գերմանական երկխոսության ժամանակ քննարկվելու է նաև «Իսլամական պետություն» (ԻՊ) ահաբեկչական կազմակերպության դեմ պայքարի հարցը:
Գերմանիայի ներքին գործերի նախարարության խոսնակը լրագրողների հետ զրույցում նշել է. «Թուրքիայով Սիրիա գնացող և եկող ջիհադիստ ահաբեկիչները հայտնվում են նաև Գերմանիայում: Մյուս կողմից Թուրքիան բազմիցս ենթարկվել է ահաբեկիչների հարձակմանը: Այդ իսկ պատճառով մենք պետք է շարունակենք համագործակցել Թուրքիայի հետ ահաբեկչության դեմ պայքարում»:
Աղբյուրը չի նշում, թե ովքեր են ընդգրկված թուրքական պատվիրակության մեջ:
Վերոնշյալ լուրը գերմանական պարբերականը վերնագրել է «Թուրքիան և Գերմանիան մտերմանում են ահաբեկչության դեմ պայքարում»;
Հիշեցնենք, որ թուրք-գերմանական հարաբերությունները լարվել էին, երբ 2016թ. հունիսի 2-ին Բունդեսթագն ընդունել էր Հայոց ցեղասպանությունը ճանաչող և դատապարտող բանաձև: Դրանից հետո Թուրքիան արգելել էր գերմանացի պաշտոնյաների մուտքը Ինջիրլիքի ռազմաբազա: Լարվածությունը խորացել էր 2016թ հուլիսի 15-ին ռազմական հեղաշրջման փորձից հետո Գերմանիայի դիրքորոշման պատճառով: Գերմանիան հրաժարվել էր Թուրքիային արտահանձնել քաղաքական ապաստան ստացած Թուրքիայի քաղաքացիներին:
Թուրքիայի իշխանությունները դրան պատասխանեցին կրկին Ինջիրլիք այցելությունը արգելելով: Գերմանիան էլ հայտարարեց իր զինվորականներին Ինջիրլիքից դուրս բերելու և Հորդանան կամ այլ երկիր տեղափոխելու մտադրության մասին:
Այս ենթաբաժնի վերջին նորությունները
Թուրքիայի գանձապետարանի և ֆինանսենրի նախարարը խոսել է տնտեսական բարեփոխումների շրջանակներում գնաճը հաղթահարելու նպատակով ձեռնարկվելիք անհրաժեշտ քայլերի մասին:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Հայտարարության մեջ նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին․
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Թուրքիայի արտգործնախարարությունն արձագանքել է Բրյուսելում կայացած ԵՄ գագաթնաժողովի արդյունքներն ամփոփող տեղեկագրի՝ Թուրքիային վերաբերող հատվածին։
Թուրքիայի արևելյան Թոքաթ նահանգում 3-րդ երկրաշարժն է գրանցվել 1 օրում: Կան ավերածություններ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |