Թուրքիան շարունակում է զորքեր կուտակել Սիրիայի հետ սահմանին

Տարածաշրջան10:07, 16 Հունվար 2018

Թուրքիան շարունակում է զորքեր կուտակել Սիրիայի հետ սահմանին

Թուրք-իրաքյան սահմանին կենտրոնացված թուրքական ստորաբաժանումներից մի քանիսը ուղարկվել են թուրք-սիրիական սահմանի մոտ՝ Շանլըուրֆա նահանգ:

Ըստ թուրքական «Hurriyet» թերթի կայքի՝ թուրք-սիրիական սահման են ուղարկվել, հաուբիցներ, տանկեր, ինչպես նաև զենքով և զինամթերքով բեռնված 20 ավտոմեքենայից բաղկացած ավտոշասյուն:

Ավելի վաղ էլ թուրքական «Sondakika» լրատվական կայքը տեղեկացրել էր, որ Թուրքիայի զինուժը արդեն շրջափակման մեջ է վերցրել Աֆրինը և սպասում է երկրի նախագահ Ռեջեփ Թայիփ Էրդողանի հրամանին։

Հիշեցնենք, որ այն բանից հետ, երբ ԱՄ-ն Սիրիայի քրդական ուժերից նոր զորախումբ ստեղծելու մասին որոշում կայացրեց, Թուրքիայի մի շարք բարձրաստիճան պաշտոնյաներ հայտարարություններ արեցին, որ իրենք անհրաժեշտության դեպքում կարող են ներխուժել Սիրիաի Աֆրին նահանգ և ռազմական գործողություն իրականացնել: Վերջինս գտնվում է Սիրիայի քրդական ուժերի վերահսկողության տակ, որոնց պաշտոնական Անկարան ահաբեկչական է համարում:

Աղբյուր` Ermenihaber.am