Միջազգային07:41, 16 Հունվար 2018
Freedom House. Թուրքիան առաջին անգամ հայտնվել է ոչ ազատ երկրների ցանկում
Freedom House միջազգային իրավապաշտպան կազմակերպությունը հրապարակել է «Ազատությունն աշխարհում-2018» զեկույցը: Ըստ թուրքական «Demokrathaber.org» լրատվական կայքի՝ նախորդ տարիներին մասամբ ազատ երկրների շարքում հայտնվող Թուրքիան այս տարի արդեն առաջին անգամ հայտնվել է ոչ ազատ երկրների կատեգորիայում:
«Ժողովրդավարությունը ճգնաժամի մեջ է» խորագրով զեկույցից պարզ է դարձել, որ Թուրքիան վերջին 10 տարում ամենաշատ հետընթաց ունենած երկիրն է: Այս տարի Թուրքիան միանգամից 6 հորիզոնականով վատթարացրել է իր ազատության դիրքերը:
Որպես այս տարվա ցուցանիշի վատացման պատճառ նշվում է նախագահի ձեռքում իշխանության կենտրոնացումը, վիճելի սահմանադրական հանրաքվեի անցկացումը, ընտրված ՏԻՄ ղեկավարների փոխարինումը կառավարության կողմից նշանակվածներով, մարդու իրավունքների պաշտպանների և «պետության դավաճան» որակավորվող այլ անձանց նկատմամբ իրականացվող կամայական իրավական հետապնդումները, պետական ծառայողների դեմ շարումակվող «զտման» գործողությունները:
Նշվում է, որ այս բոլոր հանգամանքները Թուրքիայի քաղաքացիներին կարևոր թեմաների վերաբերյալ իրենց կարծիքն արտահայտել-չարտահայտելու երկընտրանքի առաջ են կանգնեցնում:
«Թուրքիայի դիրքերը 2014 թվականից սկսած սրընթաց անկում են արձանագրում: Այս վիճակը բխում է մամուլի, սոցմեդիայի օգտատերերի, ցուցարարների, քաղաքական կուսակցությունների, դատական և ընտրական համակարգերի նկատմամբ տեղի ունեցող ոտնձգություններից:
Էրդողանը իշխանական կուսակցության շարքերում գտնվող մրցակիցներին դուրս է մղել, մեդիադաշտը վերակազմավորել է իր պահանջմունքներին համապատասխան և սուպեր նախագահական համակարգ ստեղծելու համար իրականացրել է վիճելի սահմանադրական հանրաքվեն: 2016-ի հուլիսին տեղի ունեցած հեղաշրջման փորձին ի պատասխան՝ երկրում «վհուկների որս» սկսվել, ինչի արդյունքում ձերբակավել է 60 հազար մարդ, փակվել է 160-ից ավել լրատվական կազմակերպություն, ավելի քան 150 լրագրող բանտարկվել է:
Խորհրդարանի մեծությամբ 3-րդ կուսակցության առաջնորդները գտնվում են բանտում, ավելի քան 100 ՏԻՄ ղեկավար պաշտոնանկ է արվել»,- ասված է զեկույցի Թուրքիային վերաբերող հատվածում:
Այս ենթաբաժնի վերջին նորությունները
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Գազայի հատված ամենաշատ հումանիտար օգնություն ուղարկած երկրների թվում են Թուրքիան, Արաբական Միացյալ Էմիրությունները (ԱՄԷ) և Սաուդյան Արաբիան։
Վերլուծության մեջ նշվում է, որ այդ 4 քայլերով Թուրքիայի ուժը տարածաշրջանում օրեցօր մեծանում է։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |