Իրավական11:07, 12 Հունվար 2018
Թուրքիայում Սահմանադրական դատարանի որոշումը մերժվել է
Թուրքիայի փոխվարչապետ և կառավարության խոսնակ Բեքիր Բոզդաղը քննադատել է Սահմանադրական դատարանին (ՍԴ)` նշելով, որ դատարանը ընդդիմադիր «Zaman» թերթի լրագրողների գործով վճիռ կայացնելիս խախտել է իրավական նորմերը:
Ինչպես տեղեկացնում է թուրքական «Milliyet» թերթի կայքը, Բոզդաղը քննադատական հայտարարության մեջ նշել է, որ այս որոշմամբ դատարանը հատել է սահմանադրությամբ և օրենքներով կանոնակարգվող սահմանները՝ կատարելով Վերաքննիչ դատարանի գործառույթները:
«Անհատների հայցադիմումների գործով վճիռ կայացնելիս Սահմանադրական դատարանը չի կարող անցնել սահամանդրությամբ և օրենքներով սահմանված նորմերը, չի կարող գործել ինչպես առաջին ատյանի, վերաքննիչ կամ վճռաբեկ դատարանները»:
Նշենք, որ ՍԴ-ն վճռել էր, որ փակված ընդդիմադիր «Զաման» թերթի ձերբակալված լրագրողներ Շահին Ալփայի և Մեհմեթ Ալթանի իրավունքները խախտվել են: Այդ որոշմամբ լրագրողները պետք է ազատ արձակվեին:
Սակայն թուրքական «Halkinhabercisi» լրատվական կայքի տեղեկացմամբ՝ ՍԴ որոշումը մերժվել է: Ալթանի և Ալփայի փաստաբանները ՍԴ-ի որոշումը ներկայացրել են 13-րդ և 26-րդ ծանր հանցագործությունների դատարաններին իրենց պաշտպանյալներին ազատ արձակելու պահանջով: Երկուսի դիմումն էլ մերժվել է:
Հիշեցնենք, որ իշխանությունների կողմից փակված «Զաման» թերթի լրագրողներ Մեհմեթ Ալթանը և Շահին Ալփայը ձերբակալվել էին 2016 թվականի հուլիսի 15-ին կազմակերպված ռազմական հեղաշրջման փորձի գործով հետաքննության շրջանակներում: Ալթանը մեղադրվում է Թուրքիայի կառավարությունը վերացնելու կամ գործունեությունը խոչընդոտելու, ահաբեկչական կազմակերպությանն անդամակեցելու, իսկ Ալփայը՝ «Ֆեթուլլահական ահաբեկչական կազմակերպությանն» անդամակցելու մեջ:
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |