«Al JAZEERA». Թուրքիան պատրաստվում է ներխուժել Աֆրին և Մանբիչ

Տարածաշրջան07:30, 10 Հունվար 2018

«Al JAZEERA». Թուրքիան պատրաստվում է ներխուժել Աֆրին և Մանբիչ

Կատարում հեռարձակվող «AL JAZEERA» հեռաուստատեսության եթերում հայտարարվել է, որ Թուրքիան վերջին նախապատրաստական աշխատանքներն է իրականացնում Սիրիայի քրդական ուժերի վերահսկողության տակ գտնվող Աֆրին և Մանբիչ շրջաններում ռազմական գործողություն սկսելու համար:

«AL JAZEERA»-ի թղթակից Էլ Մութեզ Բիլլլահ Հասանը մասնավորապես ասել է, թե իբր «մեծ հավանականություն կա, որ Սիրիայի քրդերին ԱՄՆ-ի կողմից ցուցաբերվող աջակցության մեջ Ֆեթուլլահ Գյուլենի մատը խառն է, ուստի ժամանակն է, որ Թուրքիան քայլեր ձեռնարկի»:

Նշենք, որ Թուրքիան ամիսներ շարունակ զինտեխնիկա է կուտակում Սիրիայի Աֆրին քաղաքին սահմանակից թուրքական Քիլիս շրջանում: Այժմ 10 հազար թուրք զինվոր, ինչպես նաև «Սիրիայի ազատ բանակ»-ի 15 հազար զինվոր սպասում են հրամանի, որպեսզի ներխուժեն Աֆրին:

Հիշեցնենք, որ Թուրքիան Սիրիայի քրդական ուժերին դիտարկում է որպես ահաբեկչական կազմակերպություններ: Թուրք պաշտոնյաները բազմիցս հայտնել են, որ երբեք թույլ չեն տա, որ Սիրիայի հյուսիսում քրդերը պետություն ստեղծեն:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։