Միջազգային08:20, 25 Դեկտեմբեր 2017
Գերմանիայի նորընտիր նախագահն Էրդողանին խոհեմության կոչ է արել
Գերմանիայի նորընտիր նախագահ Ֆրանկ Վալտեր Շտայնմայերը Բունդեսթագում տեղի ունեցած երդման արարողության ժամանակ կոչով դիմել է Թուրքիայի նախագահ Ռեջեփ Թայիփ Էրդողանին:
Թուրքական «Hürriyet» թերթի կայքի տեղեկացմամբ՝ Շտայնմայերը մտահոգություն է հայտնել Եվրոպայի և մասնավորապես Թուրքիայի ապագայի համար:
«30 տարի առաջ Թուրքիա մեկնողը տեսնում էր հետամնաց մի երկիր: Մարդիկ աղքատ էին: Միլիոնավոր մարդիկ աշխատանք որոնելու նպատակով լքում էին երկիրը՝ մեկնելով եվրոպական երկրներ: Այսօրվա Թուրքիան այլ է: Թուրքիան տնտեսական վերելք ապրեց, բարեփոխումների փուլով անցավ, միևնույն ժամանակ Եվրոպայի հետ մերձեցման գործընթացով անցավ: Մենք՝ գերմանացիներս, խրախուսեցինք և աջակցեցինք բոլոր այդ գործընթացներին: Սակայն այսօրվա Թուրքիային գոհունակությամբ չենք կարող նայել», -ասել է Շտայնմայերը:
Գերմանիայի նախագահը դատապարտել է անցյալ ամառ տեղի ունեցած պետական հեղաշրջման փորձը: Բայց նաև նշել է, որ իրենք տասնյակ տարիներով մտավախություն ունեն, որ Թուրքիայի բոլոր ձեռքբերումները կարճ ժամանակում կորստյան կմատնվեն:
«Այդ մտահոգությամբ էլ նախագահ Էրդողանին կոչ եմ անում. վտանգի մի ենթարկեք այն ամենը, ինչ կառուցել եք համատեղ ջանքերով: Մենք ուրախ կլինենք դեպի մեղմացում տանող ցանկացած ազդակի համար: Բայց վերջ տվեք ֆաշիզմի հետ համեմատություններին, որոնք կրկնել անգամ չեմ կարող: Մի կտրեք կապերը նրանց հետ, ովքեր ցանկանում են գործընկեր լինել Թուրքիայի հետ: Հարգեք օրենքի գերակայությունը, մամուլի և լրագրողների ազատությունը: Եվ ազատ արձակեք Դենիզ Յուջելին»:
Հիշեցնենք, որ ավելի վաղ Էրդողանը Գերմանիայի կանցլեր Անգելա Մերկելին մեղադրել էր ֆաշիստական մեթոդներ կիրառելու մեջ և հայտարարել, որ եթե գերմանացիները չամաչեն, այսօր էլ գազային խցիկներ ու համակենտրոնացման ճամբարներ կկառուցեն:
Այս ենթաբաժնի վերջին նորությունները
Թուրքիայի առևտրի նախարարը նշել է, որ տնային տեքսիտիլի արտահանման ծավալները 2024-ին կազմել են 2.9 մլրդ դոլար։
Թուրքիայի տրանսպորտի և ենթակառուցվածքների նախարարը մասնակցել է «Մետաքսի ճանապարհ» 9-րդ միջազգային ցուցահանդեսի բացման արարողությանը։
Նշվում է, որ կհրապարակվի քարտեզ, որը նման է ԱՄՆ-ի, Ռուսաստանի և Սաուդյան Արաբիայի կողմից քննարկված բաժանման ծրագրերին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին:
Միջոցառումը կազմակերպվել են այսպես կոչված «Արևմտյան Ադրբեջան» համայնքի և Ադրբեջանի թուրքական տան կողմից։
Հնդկաստանի իշխանությունները մտադիր են 15 տոկոսով կրճատել Թուրքիայի հետ ունեցած առևտրաշրջանառությյունը։
MİT-ի ղեկավար Իբրահիմ Քալընը Սիրիայի նախագահ Ահմեդ Ալ-Շարայի պատվիրակության հետ քննարկել է երկկողմ հարաբերություններին վերաբերող հարցեր:
Թուրքիայի կառավարության «Աղետների և արտակարգ իրավիճակների վարչությունը» (AFAD) հայտարարություն է տարածել, որտեղ նշվում է, որ Էգեյան ծովում գրանցվել է 6 բալ ուժգնությամբ երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |