Մշակութային12:02, 21 Դեկտեմբեր 2017
Կայսերիի հայկական Սուրբ Գրիգոր Լուսավորիչ եկեղեցին կվերանորոգվի
Թուրքիայի Կայսերի քաղաքի Սուրբ Գրիգոր Լուսավորիչ հայկական եկեղեցին կվերանորոգվի: Թուրքական «Hürriyet» թերթի տեղեկացմամբ՝ Կայսերիի քաղաքապետարանը եկեղեցու վերանորոգման համար 3.5 միլիոն թուրքական լիրա (մոտ 915 հազար ԱՄՆ դոլար) կհատկացնի:
Կայսերիի քաղաքապետարանի գլխավոր քարտուղարի տեղակալը հայտնել է, որ Թուրքիայի մշակույթի և զբոսաշրջության Կայսերի շրջանի մշակութային հուշարձանների պահպանության խորհրդի թույլտվությունը ստանալուց հետո 2018-ի տարեսկզբին կավարտեն եկեղեցու վերականգման նախագիծը: Այնուհետև կսկսեն բուն վերանորոգման աշխատանքները, որ կտևի 4.5 ամիս:
Նախատեսվում է վերակառուցել նաև եկեղեցու բակում գտնվող Գյումուշյան դպրոցի շենքը, որը 1868 թվականին կառուցել է Դանիել և Հովհաննես Գյումուշյան եղբայրները:
Նշվում է, որ Կենտրոնական Անատոլիայի ամենահին եկեղեցին, որը կառուցվել է 1191 թվականին, հայերի համար կարևոր ուխտավայր է եղել:
Աղբյուրն անդրադառնում է նաև հայերի համար Կայսերիի նշանակությանը՝ հիշեցնելով, որ Սուրբ Գրիգոր Լուսավորիչը ծնվել և մեծացել է հենց այդ քաղաքում: Նրա առաջնորդությամբ հայոց թագավոր Տրդատ 3-րդը 301 թվականին քրիստոնեությունը պետական կրոն է ընդունել, իսկ Սուրբ Գրիգորին հետ է ուղարկել Կայսերի, որտեղ էլ վերջինն օծվել է Հայաստանի առաջին կաթողիկոս:
Այս ենթաբաժնի վերջին նորությունները
Թավջութակահարուհի Պյուրեն Էդա Գյոզերը կատարել է Բախի թավջութակի առաջին երեք սյուիտները:
Ֆիլմը լինելու է Թուրքիայի և Հայաստանի միջև առաջին համատեղ լիամետրաժ ֆիլմարտադրանքը:
Արա գյուլերի մրցաշարում առաջին տեղը գրավել է Ստամբուլում գործող հայկական «Կենտրոնական» ավագ դպրոցի սան Մարինա Աբդը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անտառային հրդեհները դեռևս չի հաջողվում վերասհկողության տակ առնել, նույնսիկ չվերթներ են հետաձգվել։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Թուրքական «Asal» հետազոտական ընկերությունը հարցում է անցկացրել 26 նահանգում, որին մասնակցել է 18 տարեկանից բարձր 2012 մարդ։
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |