Քաղաքական07:48, 15 Դեկտեմբեր 2017
Թուրքիայի ԱԳՆ-ն հայ-թուրքական արձանագրությունների վերաբերյալ հայտարարություն է տարածել
Թուրքիայի արտգործնախարարությունն արձագանքել է ՀՀ արտգործնախարար Էդվարդ Նալբանդյանի այն հայտարարությանը, որ 2018թ. գարնանը Հայաստանը չեղյալ կհամարի հայ-թուրքական արձանագրությունները։
Թուրքական «Ahaber» լրատվակայքի տեղեկացմամբ` Թուրքիայի ԱԳՆ-ն հերքել է արձանագրությունների վավերացման գործընթացի ձգձգման մեջ Թուրքիայի մեղավորությունը:
Թեմայի վերաբերյալ Թուրքիայի արտգործնախարարության կողմից տարածված գրավոր հայտարարության մեջ մասնավորապես ասված է.
«Նշված արձանագրությունները մշակվել էին Շվեյցարիայի միջնորդությամբ անցկացված բանակցությունների արդյունքում՝ Թուրքիայի և Հայաստանի հարաբերությունների կարգավորման նպատակով: Սակայն առաջինը Հայաստանի Սահմանադրական դատարանը 2010թ. հունվարի 12-ին ընդունած մի որոշմամբ արձանագրությունների տառին և ոգուն անհամապատասխան նախապայմաններ և սահմանափակող պայմաններ առաջ քաշեց:
Այնուհետև Հայաստանի նախագահ Սերժ Սարգսյանը 2010թ. ապրիլի 22-ին հայտարարեց, որ արձանագրությունները առկախվել են: Հայտնի ճշմարտություն է նաև այն, որ հայկական սփյուռքը ի սկզբանե դեմ էր արձանագրություններին և Հայաստանի կառավարության վրա ճնշում էր գործադրում՝ դրանք չհաստատելու նպատակով»:
Թուրքիայի ԱԳՆ հայտարարության մեջ նաև նշել է, որ Թուրքիան Հայաստանի անկախացումից՝ 1991թ. հետո Հայաստանի հետ տարբեր մակարդակներում շարունակում է հարաբերություններ զարգացնել՝ այդպիսով աջակցելով երկու երկրների հարաբերությունների կարգավորմանը:
Ընդգծվել է նաև, որ թուրքական կողմը հավատարիմ է հայ-թուրքական կարգավորման արձանագրությունների հիմնական դրույթներին և չնայած հայկական կողմի հայտարարություններին, արձանագրությունները դեռևս գտնվում են Թուրքիայի ազգային մեծ ժողովի արտաքին հարաբերությունների հանձնաժողովի օրակարգում:
«Դրանց վավերացման համար սպասում ենք Հարավային Կովկասում նպատակահարմար քաղաքական մթնոլորտի և խաղաղ իրադրության ձևավորման», - ասված է ԱԳՆ հայտարարությունում:
«Արձանագրությունների գործընթացում Թուրքիայի գլխավոր նպատակը Թուրքիա-Հայաստան հարաբերությունների կարգավորումն է՝ Հարավային Կովկասում համապարփակ խաղաղություն և կայունություն ապահովելու միջոցով: Այդ համատեքստում արդեն քառորդ դար շարունակվող Լեռնային Ղարաբաղի խնդրի կարգավորման գործընթացում անհրաժեշտ է առաջնորդվել ՄԱԿ-ի անվտանգության խորհրդի որոշումներով և Ադրբեջանի տարածքային ամբողջականության սկզբունքով: Ամեն դեպքում Հայաստանը պետք է վերջ տա Ադրբեջանի տարածքների բռնազավթմանը»:
Հայտարարությունում անդրադարձ է կատարվել նաև Հայոց ցեղասպանության խնդրին. Թուրքիայի ԱԳՆ-ն հերթական անգամ հերքել է Ցեղասպանության իրողությունը՝ վկայակոչելով Մարդու իրավունքների եվրոպական դատարանի՝ Հայոց ցեղասպանության հերքումը որպես խոսքի ազատություն ճանաչող որոշումը: Հայոց ցեղասպանության փաստը վիճելի պատմական իրադարձություն որակելով՝ Թուրքիան կոչ է արել Հայաստանին՝ճանաչել այսպես կոչված Խոջալուի կոտորածները:
Հիշեցնենք, որ 2009թ. հոկտեմբերի 10-ին Ցյուրիխում Հայաստանի և Թուրքիայի միջև կնքվել էին երկու երկրների հարաբերությունների կարգավորումը նախատեսող արձանագրություններ, որոնք այնուհետև պետք է վավերացվեին երկու երկրների խորհրդարանների կողմից: Թուրքական կողմը կարճ ժամանակ անց արձանագրությունների վավերացման համար առաջ էր քաշել Լեռնային Ղարաբաղի հակամարտության կարգավորման վերաբերյալ նախապայմաններ:
2017թ. դեկտեմբերի 13-ին Հայաստանի արտգործնախարար Էդվարդ Նալբանդյանը հայտարարել էր, որ արձանագրությունները չեն կարող հավերջ օրակարգում մնալ և հայկական կողմը նախատեսում է 2018թ. գարունը դիմավորել առանձ հայ-թուրքական արձանագրությունների:
Այս ենթաբաժնի վերջին նորությունները
Թուրքիայում կարծում են, որ Սիրիայի վերականգնումը կարևոր է տարածաշրջանում Թուրքիայի տնտեսական և դիվանագաիտական դերի համար։
Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին:
Միջոցառումը կազմակերպվել են այսպես կոչված «Արևմտյան Ադրբեջան» համայնքի և Ադրբեջանի թուրքական տան կողմից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին:
Միջոցառումը կազմակերպվել են այսպես կոչված «Արևմտյան Ադրբեջան» համայնքի և Ադրբեջանի թուրքական տան կողմից։
Հնդկաստանի իշխանությունները մտադիր են 15 տոկոսով կրճատել Թուրքիայի հետ ունեցած առևտրաշրջանառությյունը։
MİT-ի ղեկավար Իբրահիմ Քալընը Սիրիայի նախագահ Ահմեդ Ալ-Շարայի պատվիրակության հետ քննարկել է երկկողմ հարաբերություններին վերաբերող հարցեր:
Թուրքիայի կառավարության «Աղետների և արտակարգ իրավիճակների վարչությունը» (AFAD) հայտարարություն է տարածել, որտեղ նշվում է, որ Էգեյան ծովում գրանցվել է 6 բալ ուժգնությամբ երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |