Moody's գործակալությունը Թուրքիայի համար բացասական կանխատեսում է արել

Տնտեսական07:40, 14 Դեկտեմբեր 2017

Moody's գործակալությունը Թուրքիայի համար բացասական կանխատեսում է արել

Moody's միջազգային վարկանիշային գործակալությունը 2018թ. թուրքական ընկերությունների համար բացասական կանխատեսումներ է արել:

Թուրքական «Ekonomihaber» լրատվակայքի տեղեկացմամբ՝ գործակալության փոխնախագահ Ռեհան Աքբարը թեմայի վերաբերյալ հետևյալ մեկնաբանությունն է արել. «Քաղաքական և կառուցվածքային բարեփոխումների իրականացման գործում անհստակությունները, քաղաքական ռիսկերը, ազգային արժույթի մեծ տատանումները 2018թ. թուրքական ընկերությունների համար բացասական տեսլական են ստեղծում: Նույն կերպ բացասական են կանխատեսումները նաև Հարավային Աֆրիկայի համար»:

Moody's -ը նշել է, որ Թուրքիայի տնտեսությունն աշխուժացնող ընդլայնող ֆինանսական քաղաքականության ավարտի պատճառով թուրքական ընկերությունները հաջորդ տարի շատ ավելի դանդաղ կզարգանան:

Միևնույն ժամանակ, գործակալությունը կանխատեսել է, որ Եվրոպայում ապրանքների և ծառայությունների նկատմամբ աճող պահանջարկը զարգացման խթան կհանդիսանա արտահանմամբ զբաղվող թուրքական արդյունաբերական ընկերությունների համար: Իսկ անվտանգության ոլորտի կայունացումը կարող է նպաստել զբոսաշրջության և քաղաքացական ավիացիայի ոլորտի զարգացմանը:

Աղբյուր` Ermenihaber.am

Այս ենթաբաժնի վերջին նորությունները

16:42, 05 սեպ

Ադրբեջանն ու Թուրքիան ամրապնդում են էներգետիկ համագործակցությունը

Թուրքիայի էներգետիկայի և բնական պաշարների նախարարն ու Ադրբեջանի էներգետիկայի նախարարն այցելել են Իզմիր նահանգում գտնվող «SOCAR Turkey»-ի արտադրական կայան:

11:08, 01 սեպ

Թուրքիայի ու Չինաստանի նախագահները քննարկել են տնտեսական համագործակցությունը

Էրդողանը Շանհայի համագործակցության կազմակերպության գագաթնաժողովի շրջանակում հանդիպել է Սի Ծինփինի հետ։

13:33, 28 օգոս

Թուրքիան էլեկտրաէներգիայի արտադրության մեջ ռեկորդային ցուցանիշ է գրանցել

Մասնավորապես նշվում է, որ էլեկտրաէներգիայի օրական արտադրությունը հասել է 1 մլն 250․000 մեգավատտ-ժամի, իսկ ընդհանուր արտադրությունը ՝ 36.7 մլրդ կիլովատտ-ժամի։