07:09, 13 Դեկտեմբեր 2017
Չավուշօղլուն թուրքական NTV-ի եթերով խոսել է օրակարգային խնդիրների մասին
Թուրքիայի արտաքին գործերի նախարար Մևլութ Չավուշօղլուն թուրքական « NTV » հեռուստաալիքի եթերով խոսել է Թուրքիա-ԵՄ և Թուրքիա-ԱՄՆ հարաբերությունների, ինչպես նաև Երուսաղեմի շուրջ ստեղծված իրավիճակի մասին:
Թուրք պաշտոնյան հիշեցրել է, որ դեկտեմբերի 13-ին Ստամբուլում Երուսաղեմի հարցով կայանալիք «Իսլամական համագործակցություն» (ԻՀԿ) կազմակերպության արտահերթ գագաթնաժողով է հրավիրվելու, որի ժամանակ խստորեն դատապարտվելու է ԱՄՆ-ի նախագահի որոշումը՝ Երուսաղեմը Իսրայելի մայրաքաղաք ճանաչելու հետ կապված:
Չավուշօղլուի խոսքերով՝ իրենք գագաթնաժողովին շեշտելու են, որ պաշտոնական Անկարան արևելյան Երուսաղեմը համարում է Պաղեստինի մայրաքաղաք:
Թուրք պաշտոնյան առիթը ձեռքից բաց չի թողել Իսրայելին մեղադրելու այն բանում, որ վերջինս հրթիռակոծել է Գազայի շրջանը , «օկուպացրել է Պաղեստինի տարածքը»: Նա նաև անդրադարձել է այն հարցին, թե ԵՄ-ն փախստականների հարցում կարող է չտրամադրել Թուրքիային 100մլն դոլար:
«Այդ քայլը անելով՝ ի՞նչ է, կարծում եք, որ հարաբերությունները կկարգավորվե՞ն: Կամ մի՞թե կարծում եք, որ դա անելով Թուրքիային կդաստիարակեք: Արդեն ԵՄ-ի հեղինակությունը վերացել է: ԵՄ-ի ներսում էլ հարգանք չկա»,-ասել է Չավուշօղլուն:
Վերջինս նշել է, որ ԵՄ-ի «սպառնալիքները » դեռևս օգուտ չեն տվել ոչ մեկին: Օրինակ բերելով Ռուսաստանին՝ ասել է. «Դուք պատժամիջոցներ կիրառեցիք Ռուսաստանի դեմ, բայց ի՞նչ արդյունք ստացաք»:
Անդրադառնալով թուրք-ամերիկյան հարաբերություններին՝ Չավուշօղլուն շեշտել է, որ երկկողմանի հարաբերությունների կարգավորման համար կարևոր նախապայման է Սիրիայի քրդերից ետ վերցնել այն զենքերը, որոնք ԱՄՆ-ն տրամադրել էր վերջիններիս:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին:
Միջոցառումը կազմակերպվել են այսպես կոչված «Արևմտյան Ադրբեջան» համայնքի և Ադրբեջանի թուրքական տան կողմից։
Հնդկաստանի իշխանությունները մտադիր են 15 տոկոսով կրճատել Թուրքիայի հետ ունեցած առևտրաշրջանառությյունը։
MİT-ի ղեկավար Իբրահիմ Քալընը Սիրիայի նախագահ Ահմեդ Ալ-Շարայի պատվիրակության հետ քննարկել է երկկողմ հարաբերություններին վերաբերող հարցեր:
Թուրքիայի կառավարության «Աղետների և արտակարգ իրավիճակների վարչությունը» (AFAD) հայտարարություն է տարածել, որտեղ նշվում է, որ Էգեյան ծովում գրանցվել է 6 բալ ուժգնությամբ երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |