Միջազգային07:13, 11 Դեկտեմբեր 2017
Եվրամիության և Թուրքիայի միջև սիրիացիների վերաբերյալ նոր բանակցություններ են սկսվել
Եվրամիության (ԵՄ) Թուրքիայի պատվիրակության նախագահ Քրիստիան Բերգերը հայտարարել է, որ Անկարայի և Բրյուսելի միջև կրկին վերսկսվել են սիրիացի գաղթականների վերաբերյալ բանակցությունները: Ինչպես տեղեկացնում է «Sputnik»-ի թուրքական ծառայությունը՝ դա պայմանավորված է այն հանգամանքով, որ սիրիացի փախստականներին օգնելու նպատակով Թուրքիային 3 մլրդ եվրո տրամադրելու վերաբերյալ նախկինում կնքված պայմանագրի ժամկետը լրանում է 2018թ. հունվարին:
Բերգերը տեղեկացրել է, որ Բրյուսելում ընթացող քննարկումներին մասնակցում է Թուրքիայի՝ ԵՄ հարցերով նախարարության պատվիրակությունը. քննարկվում է այն հարցը, թե սիրիացիներին ապաստան տալու համար Թուրքիան ինչպիսի օգնության կարիք ունի:
«Այս պահին գաղափարներ են առաջ քաշվում այն մասին, թե ինչպիսին պետք է լինի հաջորդ քայլը, ինչ է պետք անել: Թուրքիայի և ԵՄ-ի միջև կարևոր բանակցություններ են ընթանում», - ասել է Թուրքիայի պատվիրակության նախագահը:
Բայերը նկատել է նաև, որ վերջին տարիների ընթացքում Թուրքիայում տեղի ունեցող ահաբեկչական գործողությունները, տարածաշրջանային դրությունը և, որպես հետևանք, անդադար շարունակվող արտակարգ դրությունը ծանր դրություն են ստեղծել երկրում: «Վերջին մի քանի օրերին Բրյուսելի և Անկարայի միջև տնտեսական բանակցություններ են ընթանում: Բոլորը համակարծիք են այն հարցում, որ արտակարգ դրությունն աղզդել է աշխատանքի պայմանների վրա: Գործարար աշխարհի և Թուրքիայի կառավարության որոշ ներկայացուցիչներ համակարծիք են, որ արտակարգ դրությունը պետք է ամենակարճ ժամկետում չեղարկել»:
Այս ենթաբաժնի վերջին նորությունները
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անկարայում կողմերը քննարկել են ռազմարդյունաբերական համագործակցության խորացման հնարավորությունները։
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |