Իրավական12:17, 11 Դեկտեմբեր 2017
HRW ներկայացուցիչ. «Թուրքիայում ցանկանում են վախի կայսրություն ստեղծել»
Դիարբեքիրում անցկացվել է մարդու իրավունքների վերաբերյալ գիտաժողով, որին մասնակցել են Դիարբեքիրի «մարդու իրավունքների միության» (İHD), Թուրքիայի մարդու իրավունքների հիմնադրամի (TİHV) Դիարբեքիրի ներկայացուցչության, Դիարբեքիրի փաստաբանների պալատի, միջազգային իրավապաշտպան «Human Rights Watch» (HRW) կազմակերպության ներկայացուցիչները:
Այս մասին տեղեկացնում է թուրքական ընդդիմադիր «Cumhuriyet» թերթի կայքը: Սիմպոզիումի ժամանակ ելույթ ունեցած İHD Դիարբեքիրի մասնաճյուղի նախագահ Ռաջի Բիլիջին նշել է, որ Թուրքիայում մարդու իրավունքների ոտնահարումները հատկապես շատացել են քրդական կարգավորման գործընթացի դադարեցման և արտակարգ դրության հայտարարումից հետո:
Իսկ HRW Թուրքիայի հարցերով զեկուցող Էմմա Սինքլեյր Վեբբը հանդես է եկել «Մարդու իրավունքների վիճակը Թուրքիայում 2017թ.» խորագրով զեկույցով: Վեբբը նշել է, որ ներկայումս Թուրքիան գտնվում է կամայականությունների փուլում. «Ձերբակալություններ, կալանավորումներ, աշխատանքից հեռացումներ, արգելքներ. կարճ ասած՝ կամայականություններ: Ցանկանում են կատարյալ վախի կայսրություն ստեղծել»:
Անդրադառնալով ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) համանախագահ Սելահաթթին Դեմիրթաշի դատավարությանը՝ Վեբբը հավելել է. «Դեմիրթաշի դեմ հարուցված գործին նայելով կարելի է հակիրճ նկարագրել երկրում տիրող իրավիճակը»:
İHD անչափահասների գծով հանձնաժողովի նախագահ Ռահշան Բաթարայ Սամանն էլ նշել է, որ երկրում արտակարգ դրություն հայտարարելուց հետո համակարգված կերպով շատացել են կտտանքների կիրառման դեպքերը: Նույնն է վկայել նաև TİHV Դիարբեքեիրի ներկայացուցիչ , փաստաբան Բարըշ Յավուզը: Իսկ HDP-ի խոսնակ Այհան Բիլգինը կարծիք է հայտնել, որ թուրքական պետությունը վախենում է կազմակերպված հասարակությունից, այդ պատճառով ճնշում է գործադրում ընդդիմադիր կուսակցությունների վրա:
«Հետ ենք պահանջում մեր աշխատանքը» կարգախոսով շարժման ակտիվիստներից Վելի Սաչըլըքն էլ ասել է. «Մեր գործունեությունը շարժում չի համարվում, մեր գոյությունը որակվում է որպես հանցանք: Մենք քուրդ ենք, ալևի ենք, դրա համար էլ մեզ հետ թշնամանում են. եթե ԱԶԿ-ից (Արդարություն և զարգացում կուսակցություն -AKP) չենք, ուրեմն ահաբեկիչ ենք»:
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Թուրքիայի արտգործնախարարությունն արձագանքել է Բրյուսելում կայացած ԵՄ գագաթնաժողովի արդյունքներն ամփոփող տեղեկագրի՝ Թուրքիային վերաբերող հատվածին։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |