Գերմանիայում Թուրքիայի իշխանություններից պահանջել են ազատ արձակել Դեմիրթաշին

Քաղաքական12:04, 08 Դեկտեմբեր 2017

Գերմանիայում Թուրքիայի իշխանություններից պահանջել են ազատ արձակել Դեմիրթաշին

Գերմանացի քաղաքական գործիչները Թուրքիայի իշխանություններից պահանջել են ազատ արձակել քրդամետ «Ժողովուրդների դեմոկրատական կուսակցության» (ԺԴԿ-HDP) համանախագահ Սելահաթթին Դեմիրթաշին, ով արդեն 13 ամիս է ինչ գտնվում է բանտում:

«Deutsche Welle»-ի թուրքական ծառայության համաձայն՝ Դեմիթաշին ազատ արձակելու պահանջով են հանդես եկել Գերմանիայի «Սոցիալ-դեմոկրատական»(SPD), «Ձախերի»-ի և «Կանաչներ»-ի կուսակցությունների խմբակցությունների նախագահները:

Վերջիններիս կողմից արված համատեղ հայտարարության մեջ մասնավորապես կոչ է արվում ազատ արձակել ոչ միայն Դեմիրթաշին, այլև անազատության մեջ գտնվող այլ պատգամավորներին:

Կուսակցության անդամները շեշտել են, որ Դեմիթաշի դեմ իրականացվող դատական գործը քաղաքական շարժառիթներ ունի, ինչը անընդունելի է իրենց համար:

Հիշեցնենք, որ Դեմիրթաշը մեղադրվում է «ահաբեկչական կազմակերպություն հիմնելու, ղեկավարելու և վերջինիս օգտին քարոզչություն անելու» մեջ:

Դիարբեքիրի հանրապետական գլխավոր դատախազությունը պահանջել է Դեմիրթաշին դատապարտել մինչև 142 տարվա ազատազրկման:

Այս ենթաբաժնի վերջին նորությունները

14:39, 27 հուն

Թուրքիայի առևտրի նախարարը հանդիպել է ՌԴ փոխվարչապետի հետ

Կողմերը քննարկել են առևտրաշրջանառության ծավալը հասցնել 100 մլրդ դոլարի և մտքեր են փոխանակել առաջիկա ժամանակահատվածում իրականացվելիք նախագծերի վերաբերյալ։