Իրավական09:26, 07 Դեկտեմբեր 2017
Թուրք մտավորականները հերքում են. «Ալիևից ներողություն չենք խնդրել»
Թուրքիայի արտգործանխարար Մևլյութ Չավուշօղլուն հայտարարել էր, որ Թուրքիայի հայտնի մտավորականներ Ալի Բայրամօղլուի, Ուֆուք Ուրասի, Էրոլ Քաթըրջըօղլուի և Սաիթ Չեթինօղլուի դեմ հետաքննություն է սկսվել Արցախ այցելության համար:
Մտավորականներն Արցախ էին այցելել սեպտեմբերին, ինչից հետո Ադրբեջանը «երկրի տարածքն ապօրինի հատելու» մեղադրանքով նրանց նկատմամբ հետախուզում էր հայտարարել:
Ինչպես տեղեկացնում է «Ակօս» շաբաթաթերթը, մտավորականները հայատարարություն են տարածել՝ հերքելով Չավուշօղլուի խոսքերը, թե Թուրքիայում իրենց նկատմամբ հետաքննություն է սկսվել:
«Ադրբեջանի իշխանությունների կողմից սկսված հետաքննության շրջանակներում մենք պատասխանել ենք միջազգային համաձայնագրերով Արդարադատության նախարարությանը փոխանցված հարցերին, ինչպես որ պահանջել է ընթացակարգը: Դրանից զատ ղարաբաղյան այցի հարցով Թուրքիայում մեր նկատմամբ որևէ հետաքննություն չի եղել, հետապնդում չի իրականացվել»:
Ինչ վերաբերում է լուրերին, թե Չավուշօղլուն մտավորականներից պահանջել է ներողություն խնդրել Ադրբեջանի նախագահ Իլհամ Ալիևից Արցախ այցելելու համար, մտավորականները հետևյալ կերպ են արձագանքել.
«Նախարարի (Չավուշօղլու-EH) հետ կապ հաստատեցինք՝ պահանջելով, որ պետությունը պաշտպանի մեր իրավունքներն ընդդեմ Ադրբեջանի՝ մեզ ձերբակալելու նախաձեռնության: Նրա (Չավուշօղլու-EH) ցանկաությամբ՝ Ալիևին նամակ գրեցինք՝ ներկայացնելով մեր այցի նպատակը և ստեղծված իրավիճակի վերաբերյալ մեր անհանգստությունը: Այդ նամակում «ափսոսանք», «ներողություն» բառերը ներառելու նախարարի հորդորներին տուրք չենք տվել»:
Մտավորականները համատեղ հայտարարության մեջ ընդգծել են, որ իրենք գիտնականեր և լրագրողներ են, որոնք հակամարտությունների լուծման թեմայով աշխարհի տարբեր հակամարտության գոտիներ են այցելում: Իսկ ղարաբաղյան այցելությունը որևէ առնչություն չունի Հայաստան-Ադրբեջան տարաձայնությունների և Ղարաբաղի իրավական կարգավիճակի հետ:
Ալի Բայրամօղլուն թեմայի վերաբերյալ նաև մեկնաբանություն է տվել «Ակօս»-ին՝ կրկնելով, որ իրենց նկատմամբ Թուրքիայում որևէ հետաքննություն չի սկսվել: Նա ընդգծել է, որ Թուրքիայի օրենսդրությամբ դա նաև անհնար է, քանի որ արտասահմանում կատարված խախտումների պարագայում, որոնք պահանջում են մինչև մեկ տարի ազատազրկում կամ 1000 թուրքական լիրայի չափով տուգանք, ինչպես օրինակ ապօրինի սահման անցնելն է, Թուրքիայի օրենքներով որևէ իրավական գործընթաց չի նախատեսվում: Բացի այդ, ինչպես նկատում է Բայրամօղլուն, չկա որևէ երկիր, որտեղ Թուրքիան արգելում է այցելել:
«Պետությունից ակնկալում ենք, որ երկրից դուրս մեր դեմ հարուցված գաղափարական հետաքննությունների դեմ պաշտպանի մեր իրավունքները: Թուրքիայի Հանրապետությունն այս հարցում ոչինչ չի անում: Անգամ հակառակն է անում, ինչը մտահոգիչ է»,-հավելել է Բայրամօղլուն:
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |