Քաղաքական13:25, 06 Դեկտեմբեր 2017
Էրդողանի նախաձեռնությամբ Երուսաղեմի հարցով գագաթաժողով կգումարվի Ստամբուլում
Թուրքիայի նախագահ Ռեջեփ Թայիփ Էրդողանի նախաձեռնությամբ դեկտեմբերի 13-ին Ստամբուլում կգումարվի Իսլամական համագործակցության կազմակերպության անդամ երկրների (ԻՀԿ) առաջնորդների գագաթաժողով
Ըստ թուրքական «Haberler.com» լրատվական կայքի՝ այս մասին հայտարարել է Թուրքիայի նախագահականի խոսնակ Իբրահիմ Քալընը՝ նշելով, որ արտահերթ հավաքի թեման լինելու է ԱՄՆ-ի կողմից Երուսաղեմը Իսրայելի մայրաքաղաք ճանաչելու մասին այսօր՝ դեկտեմբերի 6-ին սպասվող հայտարարությունը:
Քալընը տեղեկացրել է, որ ԻՀԿ գագաթաժողով հրավիրելու հարցով արդեն հեռախոսազրույց է ունեցալ Մալայզայի, Իրանի, Կատարի, Ինդոնեզիայի ղեկավարների հետ և շարունակում է կապ հաստատել ԻՀԿ անդամ այլ երկրների առաջնորդների հետ:
«Երուսաղեմը պատմական, կրոնական և իրավական հիմքերով չի կարող հայտարարվել Իսրայելի մայրաքաղաք: Դա հակասում է միջազգային նորմերին: Երուսաղեմը Իսրայելի մայրաքաղաք հայտարարելը ՄԱԿ-ի որոշմանը հակասող կոպիտ սխալ կլինի: ՄԱԿ-ը որևէ որոշմամբ չի ընդունվել Երուսաղեմի անեքսիան կամ օկուպացումը (Իսրայելի կողմից-EH.)» ասել է Քալընը՝ ավելացնելով, որ իրենց համար բացարձակապես անընդունելի է Իսրայելի այդօրինակ քաղաքականությունը:
Հիշեցնենք, որ երեկ՝ դեկտեմբերի 5-ին, Էրդողանը կուսակցության ժողովին ունեցած ելույթի ընթացում անդրադարձել էր Երուսաղեմը որպես Իսրայելի մայրաքաղաք ճանաչելու ԱՄՆ-ի՝ սպասվելիք որոշմանը:
Վերջինս սպառնացել էր, որ ԱՄՆ-ի նախագահ Դոնալդ Թրամփի կողմից նման որոշման դեպքում իրենք շատ խիստ պատասխան կտան, ընդհուպ մինչև Իսրայելի հետ դիվանագիտական հարաբերությունների խզումը:
Էրդողանը, հայտարարել էր, որ Երուսաղեմը (Պաղեստինի արաբները համարում են իրենց ստեղծվելիք պետության մայրաքաղաքը-EH.) մուսուլմանների «կարմիր գիծն» է:
«Որպես Իսլամական համագործակցության կազմակերպության նախագահությունը ստանձնած երկիր, հետևողական ենք լինելու այս թեմային: Եթե ԱՄՆ-ը նման քայլ անի, անմիջապես Ստամբուլում ԻՀԿ անդամ երկրների գագաթաժողով կկազմակերպենք: Դա կարող է այնպիսի հետևանքների հանգեցնել, ինչպիսին կարող է լինել մեր դիվանագիտական հարաբերությունների խզումը Իսրայելի հետ»,- ասել էր Էրդողանը:
Այս ենթաբաժնի վերջին նորությունները
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |