Էրդողանը խոսել է տարածաշրջանում Հայաստանի մեկուսացման մասին

Քաղաքական07:25, 04 Դեկտեմբեր 2017

Էրդողանը խոսել է տարածաշրջանում Հայաստանի մեկուսացման մասին

Թուրքիայի նախագահ Ռեջեփ Թայիփ Էրդողանը իշխող «Արդարություն և զարգացում կուսակցության» (AKP-ԱԶԿ) նիստի ժամանակ խոսել է հարևան երկրների հետ առկա հարաբերությունների մասին։ Ինչպես փոխանցում է թուրքական «Mynet» լրատվակայքը, Էրդողանը նաև անդրադարձել է Հայաստանին։

«Հայաստանը մասնավորապես սփյուռքի ազդեցությամբ փակ պահեց մեր երկրի հետ բարեկամական կապերը և դուրս մնաց բեռնափոխադրման, էներգետիկ և առևտրային ճանապարհներից: Դա այդպես էլ շարունակվելու է»,- ասել է Էրդողանը։

Ընդգծել է, որ Թուրքիան համագործակցում է Կովկասի, այդ թվում և Վրաստանի, Միջին Ասիայի և Հարավային Ասիայի երկրների հետ։ Ըստ նրա՝ նշյալ օրինակները ցույց են տալիս, որ Թուրքիան ցանկանում է «աշխուժացնել» հարակից երկրների հետ հարաբերությունները։

Նա նաև նշել է, որ իրենք շարունակելու են պայքար մղել «Քուրդիստանի բանվորական կուսակցության» (ՔԲԿ-PKK) և գյուլենական համայնքի ներկայացուցիչների դեմ, որոնք երկրում համարվում են ահաբեկչական կազմակերպություններ։

Աղբյուր` Ermenihaber.am

Այս ենթաբաժնի վերջին նորությունները

13:10, 22 մայ

Թուրքիայից Սիրիա արտահանումն աճել է 36.7%-ով

Թուրքիայում կարծում են, որ Սիրիայի վերականգնումը կարևոր է տարածաշրջանում Թուրքիայի տնտեսական և դիվանագաիտական դերի համար։

16:23, 21 մայ

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին: