Չավուշօղլուն Բաքվում հանդիպել է Իլհամ Ալիևի հետ

Տարածաշրջան10:13, 30 Նոյեմբեր 2017

Չավուշօղլուն Բաքվում հանդիպել է Իլհամ Ալիևի հետ

Թուրքիայի, Ադրբեջանի և Պակիստանի արտգործնախարարների ժողովին մասնակցելու նպատակով Բաքվում գտնվող Թուրքիայի արտգործնախարար Մևլութ Չավուշօղլուն հանդիպել է Իլհամ Ալիևի հետ:

Թուրքական «Anadolu» լրատվական գործակալության համաձայն՝ հանդիպման ժամանակ կողմերը քննարկել են թուրք-ադրբեջանական համատեղ ծրագրերը, ինչպես նաև խոսել տարածաշրջանում տեղի ունեցող զարգացումներից:

«Նախագահ Ալիևի շնորհիվ մի կողմից զարգանում են թուրք-ադրբեջանական հարաբերությունները բոլոր հարթակներում, մյուս կողմից Թուրքիան և Ադրբեջանը մեծ դեր են խաղում տարածաշրջանի կայունության և տնտեսական զարգացման գործում: Ադրբեջանի հետ բեռնափոխադրման, էներգետիկ և պաշտպանական արդյունաբերության ոլորտներում հույս ունեմ, որ կարևոր նախագծեր կիրականացնենք: Առաջիկայում ունենք TANAP-ի նման նախագիծ, որն իրականացնելու ենք»,-ասել է Չավուշօղլուն:

Վերջինս նաև կարևորել է հոկտեմբերի 30-ին շահագործման հանձնված Բաքու-Թբիլիսի-Կարս երաթուղու դերը տարածաշրջանում:

Աղբյուրը հաղորդում է, որ Չավուշօղլուն հանդիպում է ունենալու նաև Ադրբեջանի արտգործնախարար Էլմար Մամեդյարովի հետ:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։