Հեղաշրջման փորձի գործով Թուրքիայում 28 հոգի դատապարտվել է ցմահ ազատազրկման

Քաղաքական08:10, 30 Նոյեմբեր 2017

Հեղաշրջման փորձի գործով Թուրքիայում 28 հոգի դատապարտվել է ցմահ ազատազրկման

Թուրքիայում շարունակվում է 2016թ. հուլիսի 15-ի ռազմական հեղաշրջման փորձին մասնակցած անձանց նկատմամբ դատավարությունները:

Թուրքական «Airporthaber» լրատվամիջոցի հաղորդմամբ՝ հեղաշրջման փորձի ժամանակ Ստամբուլի Սաբիհա Գյոքչեն օդանավակայանը գրավելու համար 28 հոգի դատապարտվել է ցմահ ազատազրկման: Դրանցից 8-ի նկատմամբ, ովքեր հանդիսանում էին զինվորականներ, առաջադրվել է նաև երկրի սահմանադրությունը խախտելու մեղադրանք: Վերջիններս իրենց պատիժը կրելու են խիստ ռեժիմի բանտում:

Հեղաշրջման փորձի նախաձեռնելու մեջ Թուրքիայի իշխանությունները մեղադրում են իսլամի քարոզիչ, ամերիկաբնակ միլիարդատեր Ֆեթթուլահ Գյուլենին:

Հիշեցնենք, որ հուլիսի 15-ի ուշ երեկոյան Թուրքիայում ռազմական ճանապարհով պետական հեղաշրջման փորձ է կատարվել, որը, սակայն, հուլիսի 16-ի դրությամբ արդեն լիովին ճնշվել էր: Օդուժի կիրառմամբ իրագործված հեղաշրջման փորձի հետևանքով, ըստ պաշտոնական տվյալների, եղել է 248 զոհ և 2.196 վիրավոր: Հեղաշրջման փորձից հետո Թուրքիայում զանգվածային ձերբակալություններ են տեղի ունենում:

Աղբյուր` Ermenihaber.am

Այս ենթաբաժնի վերջին նորությունները

13:10, 22 մայ

Թուրքիայից Սիրիա արտահանումն աճել է 36.7%-ով

Թուրքիայում կարծում են, որ Սիրիայի վերականգնումը կարևոր է տարածաշրջանում Թուրքիայի տնտեսական և դիվանագաիտական դերի համար։

16:23, 21 մայ

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին: