Թուրքիայում քննարկվել է Սիրիայում նոր գործողություններ սկսելու հարցը

Տարածաշրջան07:11, 29 Նոյեմբեր 2017

Թուրքիայում քննարկվել է Սիրիայում նոր գործողություններ սկսելու հարցը

Թուրքիայի նախագահ Ռեջեփ Թայիփ Էրդողանի գլխավորությամբ ընթացած ազգային անվտանգության խորհրդի (ԱԱԽ) նիստում քննարկվել են «Քուրդիստանի բանվորական կուսակության» (ՔԲԿ-PKK), «Իսլամական պետություն» (ԻՊ) ահաբեկչական կազմակերպության դեմ պայքարին առնչվող հարցեր և Սիրիայում տիրող իրավիճակը:

Ըստ թուրքական «Cumhurriyet» թերթի կայքի՝ նիստից հետո հրապարակվել է փաստաթուղթ, ըստ որի՝ անհրաժեշտության դեպքում Թուրքիան ամեն տեսակ միջոց կձեռնարկի Սիրիայի քրդական ուժերի դեմ:

Կարևորվել է Սիրիայի Իդլիբ քաղաք ներխուժած թուրք զինվորների գործողությունները, որոնք ըստ թուրքական կողմի՝ նպաստում են տարածաշրջանում լարվածության նվազմանը:

Ըստ վերոնշյալ փաստաթղթի՝ թուրք զինվորների առաքելությունը կշարունակվի նաև արևմտյան Հալեպում և քրդերի վերահսկողության տակ գտնվող Աֆրինում:

Նիստի մասնակիցները նաև քննարկել են Թուրքիայի և ՆԱՏՕ-ի լարված հարաբերությունները:

Միջանկյալ նշենք, որ լարվածությունը առաջացել էր այն պատճառով, որ Նորվեգիայում ընթացող ՆԱՏՕ-ի զորավարժությունների ժամանակ Հյուսիսատլանտյան դաշինքի թշնամիրների պաստառի վրա եղել են Էրդողանի և Թուրքիայի Հանրապետության հիմնադիր և առաջին նախագահ Մուստաֆա Քեմալ Աթաթուրքի լուսանկարները:

Թուրքական կողմը Նորվեգիայի իշխանություններից պահանջել է մանրամասն հետաքննություն իրականացնել դեպքի վերաբերյալ:

Հիշեցնենք, որ հոկտեմբերի 13-ի գիշերը Թուրքիայի զինուժը մտել էր Սիրիայի հյուսիսային Իդլիբ նահանգ: Աստանայում ձեռք բերված համաձայնությամբ Իդլիբում «անվտանգության» գոտի էր սահմանվել: Որպես երաշխավոր երկրներ՝ հանդես են գալիս Իրանը, Թուրքիան և Ռուսաստանը:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

«ՔԲԿ»-ն վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական» կուսակցությունը մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։