Թուրքիայի հետ վիզային ռեժիմի ազատականացման աշխատանքները ավարտական փուլում են

Քաղաքական09:02, 28 Նոյեմբեր 2017

Թուրքիայի հետ վիզային ռեժիմի ազատականացման աշխատանքները ավարտական փուլում են

Եվրամիության միգրացիայի, ներքին գործերի և քաղաքացիության հարցերի հանձնակատար Դիմիտրիս Ավրամոպուլոսը հայտարարել է, որ Թուրքիայի հետ վիզային ռեժիմի ազատականացմանն ուղղված աշխատանքները թևակոխել են ավարտական փուլ:

Ըստ թուրքական «Milliyet» թերթի կայքի՝ այս մասին Ավրամուպուլոսը խոսել է Ստամբուլի Բողազիչի համալսարանում տեղի ունեցած «Միջազգային համագործակցության պլատֆորմի» համաժողովին ունեցած ելույթի ժամանակ:

ԵՄ պաշտոնյան մասնավորապես ասել է. «Թուրքիայի հետ աշխատում ենք ընդհանուր թիրախի վրա և մտադիր ենք մոտ ապագայում հայտարարել կենսաչափական անձնագիր ունեցող Թուրքիայի քաղաքացիների համար առանց վիզայի Եվրոպա ուղևորության հնարավորության մասին: Արդեն ավարտական փուլում ենք: Թուրքիայի հետ սերտ աշխատում ու համագործակցում ենք և աշխատում ենք բոլոր պահանջները իրականացնելու ուղղությամբ»:

Ավրամոպուլոսը ավելացրել է նաև, որ վիզային ռեժիմի չեղարկումը մարդկանց համար շփումների ավելի մեծ հնարավորություններ կստեղծի և ավելի կխթանի Թուրքիա-ԵՄ համագործակցությունը:

Աղբյուր` Ermenihaber.am

Այս ենթաբաժնի վերջին նորությունները

13:10, 22 մայ

Թուրքիայից Սիրիա արտահանումն աճել է 36.7%-ով

Թուրքիայում կարծում են, որ Սիրիայի վերականգնումը կարևոր է տարածաշրջանում Թուրքիայի տնտեսական և դիվանագաիտական դերի համար։

16:23, 21 մայ

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին: