Քաղաքական07:58, 27 Նոյեմբեր 2017
Էրդողանը՝ Թուրքիայի ընդդիմության առաջնորդին. «Եթե ապացուցես, հրաժարական կտամ»
Թուրքիայի նախագահ Ռեջեփ Թայիփ Էրդողանը պատասխանել է օֆշորային գոտում իր հարազատների ունեցած ընկերությունների մասին՝ ընդդիմադիր «Ժողովրդահանրապետական կուսակցության» (CHP-ԺՀԿ) առաջնորդ Քեմալ Քըլըչդարօղլուի հայտարարությանը:
Ըստ թուրքական «Gazetekarınca.com» լրատվական կայքի՝ Էրդողանը, հայտարարել է, որ պատրաստ է հրաժարվել նախագահի պաշտոնից ու դուրս գալ քաղաքականությունից, եթե ընդդիմության առաջնորդը ապացուցի ասածները:
Ստամբուլում «Կանանց նկատմամբ բռնության դեմ պայքարի» թեմայով մի միջոցառման ժամանակ ելույթ ունեցած Էրդողանը մասնավորապես ասել է. «Ասում է, (նկատի ունի Քըլըչդարօղլուին-EH) թե երեխաներս, եղբայրս, քենակալս ու խնամիս միլիոններ են ուղարկել արտերկիր: Ավելի վաղ էլ պնդել էր, թե ես 3 մլրդ դոլար գումար ունեմ: Հիմա հարցնում եմ այդ անձին, որի անունը (Քըլըչդարօղլու-EH) նույնիսկ չեմ ուզում արտասանել, եթե պնդումներիդ վերաբերյալ փաստաթղթեր ունես, ներկայացրու ժողովրդին և ես կանեմ անհրաժեշտը: Եթե չապացուցես, պետք է հրաժարվես քաղաքականությամբ զբաղվելուց: Եթե ապացուցես, կթողնեմ և՛ քաղաքականությունը, և՛ նախագահի պաշտոնը»:
Հիշեցնենք, որ օրեր առաջ Թուրքիայի ընդդիմության առաջնորդը հայտարարել էր, որ Էրդողանի ընտանիքն ու հարազատները օֆշորային գոտում միլիոնավոր դոլարների ներդրում են արել:
«Սիրելի Էրդողան, ես քեզ հարց եմ տալիս: Գիտե՞ս, որ երեխաներդ, եղբայրդ, քենակալդ, խնամիդ ու նախկին գլխավոր գրագիրդ միլիոնավոր դոլարներ են ներդրել մի ընկերության մեջ, որը գտնվում է օֆշորային գոտում»,- մասնավորապես ասել էր Քըլըչդարօղլուն նոյեմբերի 21-ին ԺՀԿ-ի կուսակցական ժողովում ունեցած ելույթի ժամանակ:
Այս ենթաբաժնի վերջին նորությունները
Պաղեստինի Գազայի հատվածի շուրջ զարգացումները քննարկելու համար ստեղծված կոնտակտային խմբի նիստի շրջանակներում հանդիպել են Թուրքիայի և ԱՄՆ-ի արտգործնախարարները։
Ֆրանսիայի խորհրդարանն ընդունել է Առաջին աշխարհամարտի ընթացքում Օսմանյան կայսրության կողմից իրականացրած ասորիների ցեղասպանությունը ճանաչող բանաձև
ԺՀԿ-ի առաջնորդը Թուրքիայի նախագահի հետ մի շարք քննարկումներ է ունենալու ինչպես երկրի ներքին, այնպես էլ արտաքին հարցերի հետ կապված։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
2024թ առաջին եռամսյակում Թուրքիայից Հայաստան արտահանումերը կազմել են 124.000 դոլար:
Ֆրանսիայի խորհրդարանն ընդունել է Առաջին աշխարհամարտի ընթացքում Օսմանյան կայսրության կողմից իրականացրած ասորիների ցեղասպանությունը ճանաչող բանաձև
Անվտանգության տեսախցիկներն արձանագրել են, թե ինչպես է տղամարդը հարձակվում ոստիկանի վրա։
Թուրքիայի նախագահ Ռեջեփ Թայիփ Էրդողանի գլխավորությամբ կայանալիք նիստի օրակարգում են երկրի ներքին և արտաքին զարգացումները։
ԺՀԿ-ի առաջնորդը Թուրքիայի նախագահի հետ մի շարք քննարկումներ է ունենալու ինչպես երկրի ներքին, այնպես էլ արտաքին հարցերի հետ կապված։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |