ԻՊ-ի պատրվելուց հետո ԱՄՆ-ն դուրս չի գալու Սիրիայից. Թուրքիան անհանգստացած է

Քաղաքական08:42, 24 Նոյեմբեր 2017

ԻՊ-ի պատրվելուց հետո ԱՄՆ-ն դուրս չի գալու Սիրիայից. Թուրքիան անհանգստացած է

«Սիրիայի դեմոկրատական ուժերի» հետ միասին «Իսլամական պետություն» ահաբեկչական խմբավորման զինյալներից Ռաքքա քաղաքը մաքրելուց հետո ԱՄՆ-ը դեռևս չի պատրաստվում զորքերը հանել Սիրիայից:

Թուրքական «Haberler.com» լրատվական կայքը, վկայակոչելով ամերիկյան Washington Post-ին, նշում է, որ ԻՊ-ին հաղթելուց հետո Սիրիայում ԱՄՆ-ի հակառակորդը հիմա Իրանն է:

ԱՄՆ-ն չի ցանկանում, որ Սիրիայի նախագահ Բաշար Ասադը Իրանի հետ գործակցությամբ երկրում մեծացնի իր վերահսկողության տակ գտնվող տարածքները, ինչը կհանգեցնի այդ երկում Թեհրանի ազդեցությանը էլ ավելի մեծացմանը: ԱՄՆ-ն իր ծրագրերը իրականացնելու համար հենվում է Ռաքքան ազատագրած «Սիրիայի դեմոկրատական ուժերի» վրա, որը հիմնականում կազմված է Սիրիայի քրդական Ժողովրդավարական միություն կուսակցության» (PYD-ԺՄԿ) զինված ուժերը հանդիսացող «Ժողովրդի պաշտպանության ուժերից» (YPG-ԺՊՈՒ):

Նշվում է, որ Ասադի առաջխաղացումը կանխելու նպատակով ԱՄՆ-ը կաջակցի «Քուրդիստանի բանվորական կուսակցության» (PKK-ՔԲԿ) հետ կապերով հայտնի PYD-ին՝ Սիրիայի հյուսիսում անկախ տեղական ինքնակառավարման մարմիններ ձևավորելու հարցում: Թուրքական աղբյուրը մտահոգություն է հայտնում, որ այս պարագայում Թուրքիայում ահաբեկչական կամարվող PKK-ի ուժերը կարող են անարգել գործունեություն ծավալել Սիրիայի հյուսիսում՝ անմիջապես Թուրքիայի սահմանին:

ԱՄՆ-ի պաշտպանության նախարար Ջիմ Մատիսը հայտարարել է, որ ամերիկյան զորքերը կշարունակեն մնալ Սիրիայում, մինչև ժնևյան գործընթացի ավարտը:

Աղբյուր` Ermenihaber.am

Այս ենթաբաժնի վերջին նորությունները

13:10, 22 մայ

Թուրքիայից Սիրիա արտահանումն աճել է 36.7%-ով

Թուրքիայում կարծում են, որ Սիրիայի վերականգնումը կարևոր է տարածաշրջանում Թուրքիայի տնտեսական և դիվանագաիտական դերի համար։

16:23, 21 մայ

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին: