65 տարվա դադարից հետո Թուրքիայի նախագահի մակարդակով այց կլինի Հունաստան

Քաղաքական12:22, 23 Նոյեմբեր 2017

65 տարվա դադարից հետո Թուրքիայի նախագահի մակարդակով այց կլինի Հունաստան

Թուրքիայի նախագահ Ռեջեփ Թայիփ Էրդողանը մոտ օրերս կայցելի Հունաստան: Ըստ թուրքական «Hurriyet» թերթի կայքի՝ այս մասին հայտարարել է երկրի փոխվարչապետ Հաքան Չավուշօղլուն՝ հիշեցնելով, որ վերջին 65 տարվա ընթացքում Թուրքիայի նախագահի մակարդակով այց տեղի չի ունեցել այդ երկիր:

Չավուշօղլուն տեղեկացրել է, որ այցի օրակարգում 3 տնտեսական նախագիծ է լինելու: Դրանցից առաջինով նախատեսվում է Թուրքիայի Իզմիր նավահանգստային քաղաքից դեպի հունական Սալոնիկ բեռնափոխադրումներ և ուղևորափոխադրումներ իրականացնելու նպատակով լաստանավային երթուղիներ բացել:

Երկրորդ նախագիծը վերաբերում է Ստամբուլից դեպի Սալոնիկ արագընթաց գնացքով երկաթուղային հաղորդակցություն հիմնելուն:

Օրակարգի 3-րդ հարցը կլինի թուրք-հունական Իսփալա-Քիփի սահմանային անցակետի թուրքական և հունական մասերը միացնող կամրջի կառուցումը:

Թուրք պաշտոնյան ավելացրել է, որ Էրդողանի այցը նպատակ ունի Հունաստանի հետ հարաբերությունները բարձրացնել նոր մակարդակի:

Աղբյուր` Ermenihaber.am

Այս ենթաբաժնի վերջին նորությունները

21:53, 25 հուլ

Փարիզում Սիրիա-Իսրայել անվտանգային հանդիպում է սպասվում

Հանդիպման մասին լուրերը տարածվեցին այն բանից հետո, երբ Սիրիան օգնության խնդրանքով պաշտոնապես դիմեց Թուրքիային:

16:20, 25 հուլ

Էրդողանը հանդիպում կունենա Պուտինի և Թրամփի հետ

Թուրքիայի նախագահն ասել է, որ փորձելու են ՌԴ-ի և ԱՄՆ-ի առաջնորդների հանդիպում կազմակերպել Ստամբուլում:

13:33, 25 հուլ

Թուրքիան դատապարտել է Իսրայելին Արևմտյան ափի բռնակցման որոշման համար

Իսրայելի խորհրդարանի կողմից Արևմտյան ափի բռնակցման մասին որոշման դեմ 10 երկիր և մի քանի միջազգային կազմակերպություն համատեղ հայտարարություն են տարածել: