Հասարակական08:35, 20 Նոյեմբեր 2017
Թուրքիան ահաբեկչության ռիսկի առումով 9-րդ հորիզոնականում է աշխարհում
Առողջապահության և զբոսաշրջային անվտանգության «International SOS» կազմակերպությունը հրապարակել է այն երկրների ցանկը, որոնք 2018թ. առավելապես վտանգավոր կլինեն զբոսաշրջիկների համար:
«CNN Türk»-ի համաձայն՝ «International SOS»-ի կողմից կազմված ռիսկերի քարտեզում առանձնացվում են զբոսաշրջության համար նվազ ռիսկային, միջին ռիսկայնության, բարձր ռիսկայնության և չափազանց բարձր ռիսկայնության երկրները: Որպես ռիսկայնության չափանիշ է ընտրվել տարբեր երկրներում ահաբեկչության, բնական աղետների, ճանապարհատրանսպորտային պատահարների և վարակիչ հիվանդությունների հավանականությունը:
Այսպես, ահաբեկչության ռիսկի տեսանկյունից առաջին հորիզոնականում է հայտնվել Իրաքը, երկրորդում՝ Աֆղանստանը, երրորդում և չորրորդում՝ Նիգերիան և Սիրիան: Թուրքիան ահաբեկչության ռիսկի առումով 9-րդ հորիզոնականում է: Այս երկրում հաճախակի ահաբեկչության թիրախ են դառնում թե քաղաքացիական բնակչությունը, թե զինվորականները:
Էկոնոմիկայի և խաղաղության ինստիտուտի հրապարակած «Ահաբեկչության համաշխարհային ինդեքս»-ում (Global Terrorism Index) ևս Թուրքիան ներառվել էր 2016թ. ընթացքում ահաբեկչական գործողություններից ամենից շատ տուժած երկրների տասնյակում: 2014թ. հրապարակված ինդեքսում Թուրքիան զբաղեցրել էր 27-րդ, 2015թ.՝ 14-րդ հորիզոնականը: Միևնույն ժամանակ, ընդգծվում է, որ 2015թ. հետո Թուրքիայում կրկնապատկվել է ահաբեկչության հետևանքով զոհվածների թիվը:
Ահաբեկչության բարձր ռիսկայնությամբ աչքի ընկնող երկրների տասնյակում են նաև Հնդկաստանը, Լիբիան, Սոմալին, Եմենը, Պակիստանը:
Վարակիչ հիվանդությունների տարածման հավանականության առումով Թուրքիան, Լեհաստանը, Բալթյան երկրները, Խորվաթիան, Ռումինիան, Բուլղարիան, Կիպրոսը, Մարոկկոն և Թունիսը ներառվել են միջին ռիսկայնության երկրների ցանկում:
Ըստ ճանապարհատրանսպորտային պատահարների հաճախականության Թուրքիան ներառվել է ապահով երթևեկություն ունեցող երկրների ցանկում:
Հավելենք նաև, որ դարձյալ Էկոնոմիկայի և խաղաղության ինստիտուտի հրապարակած «2017թ. Խաղաղության համաշխարհային ինդեքսում» (Global Peace Index) Թուրքիան 163 երկրների ցանկում 146-րդն է՝ ըստ երկրում խաղաղ մթնոլորտի պահպանման մակարդակի: Այս ինդեքսի հաշվարկման համար հիմք են ծառայում երկրում կատարվող հանցագործությունների մակարդակը, անհատական զենքերի առկայությունը, բռնությունների, ահաբեկչական գործողությունների, ատոմային զենքի առկայությունը, հարևան երկրների հետ հարաբերությունները, սպառազինությանը տրամադրվող ֆինանսական միջոցները, արտաքին և ներքին հակամարտությունները, քաղաքական անկայունությունը և այլ նմանատիպ չափանիշներ:
Իսկ Համաշխարհային տնտեսական ֆորումի կողմից հրապարակված «2017թ. Ճանապարհորդության և զբոսաշրջային մրցակցության ինդեքսում» (Travel and Tourism Competitiveness Report) Թուրքիան 44-րդն է՝136 երկրների ցանկում: Սակայն ինդեքսում գնահատվող անվտանգության տեսակետից Թուրքիան գրավել է 116-րդ հորիզոնականը:
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |