Էրդողանի գլխավոր խորհրդական. «ՆԱՏՕ-ին անդամակցությունը վերանայելու ժամանակն է»

Քաղաքական13:05, 20 Նոյեմբեր 2017

Էրդողանի գլխավոր խորհրդական. «ՆԱՏՕ-ին անդամակցությունը վերանայելու ժամանակն է»

Թուրքիայի նախագահ Ռեջեփ Թայիփ Էրդողանի գլխավոր խորհրդական Յալչին Թոփչուն անդրադարձել է օրերս ՆԱՏՕ-ի զորավարժության ժամանակ Աթաթուրքին ու Էրդողանին որպես թշնամի ներկայացնելու պատճառով տեղի ունեցած սկանդալին:

Ըստ թուրքական «Diken.com.tr» լրատվական կայքի՝ Յալչինը հայտարարել է, որ Ժամանակն է, որպեսզի Թուրքիան վերանայի ՆԱՏՕ-ին անդամակցությունը: Էրդողանի խորհրդականը մասնավորապես ասել է. «Այդ ամոթալի ու անպատկառ վերաբերմունքի պատճառով թուրք ժողովուրդը հարցականի տակ է դրել նշյալ միության մեջ մեր երկրի գտնվելը:

… Մեզ համար անփոխարինելի չէ այն միությունը, որն իր անդամի նկատմամբ թշնամական վերաբերմունք է ցուցաբերում: Թուրքիայի ազգային մեծ ժողովը (մեջլիս) պետք է շտապ քննարկի այդ դաշինքում մեր հետագա ներկայության նպատակահարմարությանը»:

Հիշեցնենք, որ օրեր առաջ Նորվեգիայում տեղի ունեցած ՆԱՏՕ-ի զորավարժության ժամանակ «թշնամիների պաստառ» էր պատրաստվել, որոնց վրա պատկերված էր եղել Թուրքիայի Հանրապետության հիմնադիր-նախագահ Մուստաֆա Թեմալ Աթաթուրքի և ներկայիս նախագահ Էրդողանի նկարները:

Տեղի ունեցածից հետո Թուրքիան դադարեցրել էր մասնակցությունը զորավարժությանը՝ հետ կանչելով դրան մասնակցող 40 թուրք զինվորականներին: Դրանից հետո ՆԱՏՕ-ն պաշտոնապես ներողություն էր խնդրել Թուրքիայից, սակայն թուրքական կողմը չէր ընդունել այն ու չէր վերականգնել մասնակցությունը զորավարժությանը:

Աղբյուր` Ermenihaber.am

Այս ենթաբաժնի վերջին նորությունները

13:10, 22 մայ

Թուրքիայից Սիրիա արտահանումն աճել է 36.7%-ով

Թուրքիայում կարծում են, որ Սիրիայի վերականգնումը կարևոր է տարածաշրջանում Թուրքիայի տնտեսական և դիվանագաիտական դերի համար։

16:23, 21 մայ

Էրդողան․ Հարավային Կովկասը թյուրքական աշխարհի համար ռազմավարական նշանակություն ունի

Թուրքիայի նախագահ Ռեջեփ Թայիփ Էրդողանը ելույթ է ունեցել Հունգարիայում անցկացվող «Թյուրքական պետությունների կազմակերպության» ոչ պաշտոնական գագաթնաժողովին: