Տարածաշրջան07:23, 16 Նոյեմբեր 2017
ԱՄՆ-ի կոնգրեսում Թուրքիայի հարցով նիստ է անցկացվել
ԱՄՆ-ի Կոնգրեսի Հելսինկյան հանձնաժողովում տեղի է ունեցել Թուրքիայի վերաբերյալ նիստ: Ըստ «Ամերիկայի Ձայն»-ի թուրքական ծառայության՝ նիստը կրել է «Թուրքիայում օրենքի թուլացման զոհերը» խորագիրը, որի ընթացքում մի շարք ամերիկացի պաշտոնյաներ քննադատել են Թուրքիայում տիրող ներքաղաքական իրավիճակը:
Մասնավորապես, նիստի մասնակիցները առաջին հերթին քննադատել են ռազմական հեղաշրջման փորձից հետո երկրում դեռևս պահպանվող արտակարգ դրությունը, որի ընթացքում կալանավորվում են հազարավոր մարդիկ, այդ թվում նաև Թուրքիայում գտնվող ԱՄՆ-ի քաղաքացիներ:
Կոնգրեսի նիստում ելույթով հանդես է եկել Թուրքիայում ավելի քան 1 տարի կալանավորման մեջ գտնվող ամերիկացի հոգևորական Էնդրյու Բրյունսոնի դուստրը՝ Ժակլին Ֆուրնարին, ով դատապարտել և «աբսուրդ» է որակել Թուրքիայի իշխանությունների քայլերը իր հոր նկատմամբ:
Ամերիկացի հոգևորականը թուրքական իշխանությունների կողմից մեղադրվում է երկրում ահաբեկչական համարվող գյուլենականների հետ կապ ունենալու մեջ:
Թեմային է անդրադարձել նաև հանրապետական սենատոր Թոմ Թիլլսը:
Նա մասնավորապես քննադատել է Թուրքիայի նախագահ Ռեջեփ Թայիփ Էրդողանի այն խոսքերը ըստ, որոնց թուրքական կողմը միայն այն դեպքում ազատ կարձակի ամերիկացի հոգևորականին, եթե ԱՄՆ-ն արտահանձնի իսլամի քարոզիչ, ամերիկաբնակ միլիարդատեր Ֆեթթուլահ Գյուլենին: Վերջինիս թուրքական իշխանությունները մեղադրում են 2016թ հուլիսի 15-ի ռազմական հեղաշրջման փորձը նախաձեռնելու մեջ:
«Դա արդարացի չէ, դա նշանակում է պատանդ պահել: ԱՄՆ-ն ՆԱՏՕ-ի դաշնակցից նման տեսակ վերաբերմունք չէր սպասում»:
Նա նաև անդրադարձել է Թուրքիայում գործող արտակարգ դրությանը: Նշվել է, որ Թուրքիան հանդիսանում է ԵԱՀԿ-ի (Եվրոպայում Անվտանգության և Համագործակցության Կազմակերպություն) անդամ, հետևաբար այդ երկրում օրենքի գերակայությունը պետք է պահպանվի:
Ելույթով հանդես է եկել նաև ԱՄՆ-ի փոխպետքարտուղարի տեղակալ Ջոնաթան Կոհենը, ով ընդգծել է, որ ռազմական հեղաշրջման փորձի հետևանքով Թուրքիային մեծ հարված հասցվեց, որի հետևանքով իշխանությունները սկսեցին հետաքննություն անցկացնել: Միաժամանակ նա շեշտել է, որ հաճախ այդ հետաքննության զոհ են դառնում այնպիսի մարդիկ ովքեր կապ չունեն տեղի ունեցածի հետ: Նա նշել է, որ հաճախ Թուրքիայում նաև թիրախավորվում է մամուլը:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |