Հասարակական08:50, 16 Նոյեմբեր 2017
Ստամբուլի Դադյան հայկական դպրոցի աշակերտներն այցելել են Թուրքիայի մեջլիս
Ստամբուլի Դադյան հայկական դպրոցի երեխաները դեպի Անկարա կատարած իրենց մեկօրյա այցի շրջանակներում այցելել են Թուրքիայի խորհրդարան: 40 հոգանոց հայ աշակերտների խումբը խորհրդարանում հանդիպել է մեջլիսի 3 հայ պատգամավորների՝ Կարո Փայլանի (քրդամետ «Ժողովուրդների դեմոկրատական կուսակցություն»-HDP), Սելինա Դողանի («Ժողովրդահանրապետական կուսակցություն»- CHP), և Մարգար Եսայանի (իշխող «Արդարություն և զարգացում կուսակցության»-AKP) հետ:
Ըստ Թուրքիայում հրատարակվող «Ակոս» հայկական թերթի՝ աշակերտները դպրոցի տնօրեն Ալիս Բայրամի ուղեկցությամբ մեջլիսի տարբեր բաժիններով շրջելու և կառույցի աշխատանքներին ծանոթանալու հնարավորություն են ունեցել: Աշակերտները հայ պատգամավորներից հետաքրքրվել են վերջինների կենսագրության, մանկության, առօրյայի ու քաղաքական գործունեությոն մասին:
Հայ պատգամավորներից Սելինա Դողանը «ֆեյսբուք» սոցցանցում հրապարակել է աշակերտների հետ հանդիպման լուսանկարները և գրել.
«Դադյան մասնավոր հայկական միջնակարգ դպրոցի աշակերտները խորհրդարանում մեզ այցի են եկել: Ես նույնպես այդ դպրոցն եմ ավարտել: Բոլորս միասին մասնակցում ենք այս աննախադեպ իրադարձությանը:
Այս մեջլիսը բոլորինս է, ամենաշատը՝ երիտասարդներինը: Երջանիկ կլինենք, եթե կարողանանք նրանց օրինակ ծառայել»:
.jpg)
Այս ենթաբաժնի վերջին նորությունները
ՄԱԿ-ը հրապարակել է 2024-ի աշխարհի ամենաշատ բնակչություն ունեցող երկրների ցանկը։
«Թուրքիայի զբաղվածության գործակալությունը» հրապարակել է քաղաքացիների զբաղվածության տվյալները։
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |