Քըլըչդարօղլու. «Այսօր երկրում ունենք սովից մահացող սիրիացի փախստականներ»

Հասարակական07:53, 15 Նոյեմբեր 2017

Քըլըչդարօղլու. «Այսօր երկրում ունենք սովից մահացող սիրիացի փախստականներ»

Թուրքիայի գլխավոր ընդդիմադիր ուժ համարվող «Ժողովրդահանրապետական» կուսակցության (CHP-ԺՀԿ) առաջնորդ Քեմալ Քըլըչդարօղլուն կուսակցության նիստի ժամանակ հետաքրքրվել է , թե ինչպես են իշխանությունները փախստականների համար նախատեսված գումարները ծախսում:

Ըստ թուրքական «Toplumsal» լրատվական կայքի՝ Քըլըչդարօղլուն, դիմելով Թուրքիայի նախագահ Ռեջեփ Թայիփ Էրդողանին, հետևյալ հարցադրումն է արել.

«Նախ Նախագահ Էրդողանը սիրիացի փախստականների համար ծախսվող գումարի վերաբերյալ հայտարարություն արեց և նշեց, որ մեր սիրիացի եղբայրների համար 10 մլրդ դոլար է ծախսվել: Շանլըուրֆայում ելույթի ժամանակ ասաց, որ ծախսել են 30 մլրդ դոլար: Մենք մանրակրկիտ ուսումնասիրություն կատարեցինք, սակայն չկարողացանք պարզել, թե որքան գումար է իրականում ծախսվել: Պաշտոնական որևէ հայտարարություն չկա: Եթե իսկապես այդ 30 միլիոն դոլարը ծախսվել է փախստականների համար, ապա ի՞նչպես կբացարտեք այն փաստը, որ այսօր երկրում ունենք սովից մահացող սիրիացիներ: Այդ գումարը պետք , որ բավականացներ բոլոր փախստականների գոյությունը ապահովելու համար»:

Նշենք, որ Թուրքիայում բնակվող սիրիացի ներգաղթյալների ընդհանուր թիվը հասել է 3 մլն 208 հազ. 131-ի: Ամենաշատ սիրիացի ներգաղթյալները գտնվում են Ստամբուլում, 2-րդ տեղում է Սիրիային սահմանամերձ Շանլըուրֆա նահանգը ՝ 445 հազ. 584 ներգաղթյալներով:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։