Թուրքական «ASELSAN»-ը ներկայացրել է սեփական արտադրության հակատանկային համակարգի արդիականացված տարբերակը

Գիտակրթական07:25, 09 Նոյեմբեր 2017

Թուրքական «ASELSAN»-ը ներկայացրել է սեփական արտադրության հակատանկային համակարգի արդիականացված տարբերակը

Թուրքական ռազմարդյունաբերական «ASELSAN» ընկերությունը ներկայացրել է սեփական արտադրության «SARP» տեսակի հեռակառավարվող հակատանկային համակարգի արդիականացված տարբերակը:

Ըստ թուրքական «Ulusalkanal» լրատվակայքի` նշյալ զինատեսակը ներկայացվել է Թայլանդում ընթացող «Defense&Security-2017» անվամբ ռազմական տոնավաճառին:

Նշվում է, որ այդ համակարգերը արտահանվում են աշխարհի 13 տարբեր երկրներ:

«ASELSAN»-ի փոխտնօրեն Մուստաֆա Քավալի խոսքերով՝ իրենք 1 ամսվա ընթացքում արտադրում են 100 հատ նման զինատեսակ:

Թուրքական աղբյուրը նշում է, որ այս համակարգը հնարավորություն ունի ոչնչացնել թիրախը, թե ցերեկային, թե գիշերային ժամերին:

Հիշեցնենք, որ 40 տարվա պատմություն ունեցող ASELSAN-ը համարվում է Թուրքիայի խոշորագույն ռազմարդյունաբերական ընկերությունը, որը մասնագիտացված է ռազմական նշանակության էլեկտրոնային սարքավորումների արտադրության մեջ:

Հիմնադրվել է 1975-ին թուրքական բանակի զինանոցը ժամանակակից սարքավորումներով հագեցնելու նպատակով: 1983-ին սկսել է իր արտադրանքի առաջին արտահանումը: Այս պահի դրությամբ ASELSAN-ը ունի մինչև 2024 թվականը նախանշված 9.4 մլրդ ամերիկյան դոլարի պայմանագրեր:

Աղբյուր` Ermenihaber.am

Այս ենթաբաժնի վերջին նորությունները

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։