Sondakika. Թուրքիան և Իրանը համատեղ գործողություն են իրականացնելու PKK-ի դեմ

Տարածաշրջան06:48, 08 Նոյեմբեր 2017

Sondakika. Թուրքիան և Իրանը համատեղ գործողություն են իրականացնելու PKK-ի դեմ

Թուրքիան և Իրանը պատրաստվում են համատեղ ռազմական օպերացիա իրականացնել Քուրդիստանի բանվորական կուսակցության» (ՔԲԿ-PKK) դեմ: Այդ մասին գրում է թուրքական «Sondakika» լրատվական կայքը:

Նշվում է, որ հարցի շուրջ 2 երկրներ համաձայնեցրել են բոլոր մանրամասները, սակայն , թե երբ է տեղի ունենալու այդ գործողությունը առայժմ հայտնի չէ:

Այս պահին Թուրքիան և Իրանը հարմար պահի են սպասում օպերացիան սկսելու համար:

PKK-ի դեմ համատեղ հնարավոր օպերացիայի հիմք է հանդիսանում այն հանգամանքը, որ, թե Թուրքիան , թե Իրանը դեմ էին Քուրդիստանում տեղի ունեցած անկախության հանրաքվեին: Դրանով երկու երկրները ցույց տվեցին, որ որևէ կերպ չեն հանդուրժի տարածաշրջանում քրդական գործոնի ակտիվացումը և շահարկումը:

Աղբյուրի պնդմամբ՝ Թուրքիայի նման Իրանը նույնպես վճռական է տրամադրված Հյուսիսային Իրաքի Քանդիլ շրջանում օպերացիա իրականացնելու հարցում, քանի որ հենց այդտեղ է գտնվում PKK-ի գլխավոր ռազմաբազան: Բացի այդ «PKK-ն վտանգ է ներկայացնում Իրանի սահմանների համար»:

Նշվում է, որ երկու երկրների համագործակցությունը քրդական ուժերի դեմ մեծացավ նաև այն բանից հետո, երբ Իդլիբում անվտանգության գոտի սահմանվեց, իսկ դրա երաշխավոր երկրները հանդիսացան Թուրքիան, Իրանը և Ռուսաստանը:

Այժմ Թուրքիան Իդլիբում ստեղծել է 2 դիտորդական կետ և թուրքական զորքերը պատրաստվում են հիմնել ևս նմանատիպ 10 դիտորդական կետ:

Աղբյուրը այս համատեքստում, պատահական չի համարում Թուրքիայի նախագահի «Մի գիշեր առանց զգուշանելու կգանք» խոսքերը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։