Սպառազինության ոլորտում ներդրումների ծավալով Թուրքիան Միջին Ասիայում 5-րդ տեղում է

Տնտեսական11:46, 07 Նոյեմբեր 2017

Սպառազինության ոլորտում ներդրումների ծավալով Թուրքիան Միջին Ասիայում 5-րդ տեղում է

Սիրիական պատերազմի սկզբից՝ 2011թ.-ից հետո ողջ աշխարհում սպառազինության համար կատարվող ծախսերը կրկնապատկվել են: Թուրքական «ntv.com.tr» լրատվակայքի տեղեկացմամբ՝ անցյալ տարվա ընթացքում այդ նպատակով աշխարհում ծախսվել է 1 տրիլիոն 680 մլրդ դոլար: Ընդ որում, ոլորտում ամենաշատ ներդրումը կատարել են Միջին Ասիայի երկրները:

Վերջին 5 տարում ողջ աշխարհում զենքի ներմուծման 29 տոկոսը բաժին է ընկել Միջին Ասիայի երկրներին: 2012-2016թթ. Միջին Ասիայում զենքի ներմուծումը աճել է 86 տոկոսով: Տարածաշրջանի երկրներից սպառազինության համար ամենամեծ ներդրումը կատարել է Սաուդյան Արաբիան: Թուրքիան այս առումով զբաղեցրել է հինգերորդ հորիզոնականը:

Անցյալ տարի Սաուդյան Արաբիան սպառազինության ոլորտում ծախսել է 50 մլրդ դոլար: Երկրրդ տեղում Արաբական Միացյալ Էմիրություններն են՝ 18 մլրդ դոլար բյուջեով, երրորդ և չորրորդ հորիզոնականում՝ Իրանն ու Իսրայելը՝ շուրջ 14 մլրդ դոլար ներդրումով: Թուրքիան նախորդ տարվա ընթացքում սպառազինության համար ծախսել է շուրջ 11 մլրդ դոլար:

Համաշխարհային մաշտաբով զենքի ամենախոշոր արտահանողներն են ԱՄՆ-ը, Ռուսաստանը, Չինաստանը, Ֆրանսիան և Գերմանիան: Ողջ աշխարհում զենքի վաճառքի 74 տոկոսը իրականացնում են այս 5 երկրները: Զենքի առևտրում ԱՄՆ-ի երեք խոշորագույն գնորդներն են Սաուդյան Արաբիան, ԱՄԷ-ն և Թուրքիան:

Աղբյուր` Ermenihaber.am

Այս ենթաբաժնի վերջին նորությունները

14:40, 02 մայ

Թուրքիան աշխարհում 159-րդն է մամուլի ազատության ինդեքսով

«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: